Diyarname
Denîz Naki ev 6 meh in girtî ye lê di warê dosyaya wî de di navbera dadgehên alman de nakokî hene.
Lîstikvanê fûtbolê Denîz Nakî ev 6 meh in girtî ye. Roja 27'ê meha meha çûyî li Almanyayê rojnameya Welt li ser vê yekê nûçeyeke belav kir. Niha jî ji DW Tirkî Elmas Topçu nûçe belav kiriye. Bi îdîaya ku Denîz Nakî rêxistineke sûcê dike çêkiriye û bi vê yekê karê şantaj û tilyakê kiriye doz lê hatiye vekirin. Di dema lêpirsînê de meseleya Nakî bi avakirina rêxistineke çeteyî bi navê "Bahoz" ku vê rêxistinê pişgiriya YPG'ê kiriye derketibû holê. Bi vê yekê re jî di navbera dadgehên alman de fikrên cuda derketibûn holê.
Serdozgeriya Aachen ku ev m esele girtibû dest pêşî ji bo ka mesele siyasî ye yan na îdîaname şandibû ber Dadgeha Eyaleta Kolnê ku ew jî girêdayî wir e. Heyetê di nirxandina xwe ya pêşî de gotibû sûcên hatine kirin dikevin beşên edlî, ne siyasî ne. Li ser vê yekê doz dîsa şandin cem beşa edlî ya Dadgeha Eyaleta Aachenê. Li Almanyayê dozên siyasî dadgehên bilind ên eyaletên lê dinêrin.
Paşê berdevê Dadgeha Eyaleta Aachenê dadgeh Thomas Birtel ji bo DW Tirkî gotiye ku sûcên li ser Nakî de sûcên giran ên edlî ne, loma îdîana ji Kolnê ji bo wan bi paş ve şandine. Birtel gotiye çar kesên şikbar di dozê de hene. Ji van Deniz Naki û kesekî bi navê Huseyin O. di sala 2017'an de çeteyeke wekî "çeteya sûcê ya rockvan" ava kirine, du kesên din jî wekî endamên vê çeteyê têne sûcdar kirin.
Huseyîn O. ku navê wî ligel Deniz Naki derbas dibe berê ji ber sûcek cinayetê girtî maye, cezayê muebetê xwariye, piştî 15 salên girtîmayînê di sala 2017'an de bi şert hatiye berdan.
Di nav sûcê ku niha xistine stûyê Nakî û kesên din de li cem xwe girtina çekên bê rusqet, firotina tilyakê, zor li mirovan kirin ku îfadeyên derewîn bidin, birîndarkirina kesan, şantaj û xirakirina cih û waran.
Dadgeh Thomas Birtel diyar kiriye ku raste rast aliyên siyasî yê dozê nîn e lê dozgerê ku lêpirsîn daye dest pê kirin li ser têkiliyeke endîrekt a siyasî sekiniye û îdîaya ku Bahozêê jibo alîkariya YPG'ê navbeynkarî kiriye heye.
Nakî ji meha tîrmeha 2020'î ve girtî ye. Niha dê çi bibe di demên pêşiya me de dê diyar bibe.
Denîz Nakî kî ye?
Lîstikvanê fûtbolê Denîz Nakî di sala 1989'an de li Durena Almanyayê hatiye dinê û kurd e. Piştî li Almanyayê dest bi lîstikê kir ji bo tîma neteweyî ya Almanyayê U21 de cih girt. Paşê tîma Enqereya Tirkiyeyê Gençlerbîrlîgî ew transfer kir. Nakî li vir ji ber helwestên wî yên azadîxwaz rastî hin helwestên nijadperest hat û dest ji tîmê berda vegeriya Almanyayê. Wê çaxê Amed Sporê ew transfer kir û li nav kurdan navê Deniz Naki navdar bû.
Di gelek maçan de hem lîstikvanên Amed Sporê hem jî Deniz Naki rastî êrîşên nijadperestan hat. Di maça MErsin İdmanyurdu de dema maç dihat lîstin lê kes ketin sehayê û êrîşê Naki kirin. Ji ber zordariyên li ser Amed Sporê û êrîşên li ser Deniz Naki di maçan de pevçûn derdiket. Û ji ber helwestên Deniz Nakî yên aştîxwaz PFDK'ê (Lijneya Dîsîplînê ya Fûtbola Profesyonel) ya Tirkiyeyê bi îdîaya ev kirin ne li gor sporê ne der barê Nakî de lêpirsîn dabû dest pê kirin û ew ji futbolê men kiribû. Piştî vê yekê Naki vegeriyabû ALmanyayê.
Di meha yekê ya sala 2018'an de li otobanê gule bera erebeya Deniz Naki dabûn, li ser vê nûçeyên mesele siyasî ye yan na hatibûn weşandin lê saziyên ewlehiyê li ser têkiliya sûca rêxistinî ya edlî sekinî bû.
Foto ji Weltê hatiye girtin