Diyarname

Serdozgerê parêzgeha Maryland  ê Amerîkayê Brian Frosh û Parêzgerê heman eyaletê Larry Hogan daxuyandin ku wan hemû raporên doktorî yên mehkemeyan ên derbarê kuştinên di bin çavdêriya polîsan de yên ji aliyê David Fowler ve di navbera salên 2002 û 2019’ê ve hatine nivîsandin, betal kirine. 

Ev biryar piştî 400 doktorî bi nameyeke vekirî ev daxwaz kiribûn hate girtin.

Doktorê mehkemeyê Larry Hogan di rapora xwe ya derbarê doza li dijî polîsê bi navê Derek Chauvin de ku bi kuştina George Floyd ê afro-amerîkî tewambar bû, nivîsibû ku dilê wî ji nişke ve ji ber nexweşiyeke wî ya dil a berê sekiniye. Ev rapora wî ya mehkemeyê bi gelek raporên taybet ên hatibûn nivîsandin re bi nakok bû. 

Li gor wan raporan Floyd ji ber di bin lingê polîsî de bêoksîjen mabû û herî dawî mehkeme jî gihabû vê encamê. Polîsê bi navê Chauvin 9 deqe û 29 saniyeyan bi lingê xwe li ser pişta Floyd mabû û di encamê de Floyd miribû. Li ser vê yekê li Amerîkayê û li dinyayê bi mîlyonan mirovan li dijî nijadperestiyê bi rojan xwepêşandan pêk anîbûn. Yek ji welatên zêde bertek nîşan dabû jî Îngilistan bû. Li Îngilistanê hê jî di lîga mezin a fûtbolê di La Lîgayê de berî maç dest pê bikin hemû lîstikvan, teknîk dîrektor, hakem û kesên li sehayê çong vedidin û dijî nijadperestiyê helwestê nîşan didin.

Polîsê bi navê Derek Chauvin ku Floyd kuştibû rojên derbasbûyî ji aliyê mehkemeyê ve di hemû xalan de wekî tewanbar hatibû dîtin û zêdeyî 70 salî cezayê girtîgehê lê hatibû birîn.