Diyarname

Êvara 11'ê mehê bi merasimek xelatên BAFTA'yê hatin belavkirin. Fîlmê derhênera çînî Chloê Zhao ê bi navê "Nomadland" di warê Fîlmê Herî Serketî, Derhênera Herî Serketî, Lîstikvana Herî Serketî û Derhênerê Dîmenê yê Herî Serketî de xelat girt û mohra xwe li şevê da. Xelata Lîstikvanê Herî Serketî jî Anthony Hopkins bi rola di "The Father" de girt.

Akademiya Hunerên Fîlm û Televîzynê (BAFTA) xelatên sala 2021'ê belav kirin. Ji ber pandemiyê li Royal Albert Hallê merasim bê temaşevanan li dar ket. Pêşkêşvanên şevê Edith Bowman û Dermot O'Leary li sehneyê bûn Lê temaşevan nîn bûn û yên xelat girtin jî bi dîmenên beşdar bûn.

Îsal 71'emîn car xelatên BAFTA'yê hatin belavkirin. Va ne fîlmên ku di şevê de bi ser ketin:

- Fîlmê Herî Serketî: Nomadland

- Derhênera Herî Serketî: Chloê Zhao (Nomadland)

- Lîstikvana Herî Serketî: Frances McDormand (Nomadland)

- Lîstikvanê Herî Serketî: Anthony Hopkins (The Father)

- Lîstikvanê Duyemîn ê Herî Serketî: Daniel Kaluuya (Judas And The Black Messiah)

- Lîstikvana Duyemîn a Herî Serketî: Yuh-Jung Youn, Minari

- Lîstikvana Nû Dibiriqe: Bukky Bakray

- Fîlmê Îngilîz yê Herî Serketî: Promising Young Woman

- Muzîka Orjînal a Herî Serketî: Soul

- Belgefîlmê Herî Serketî: My Octopus Teacher

- Ji Nivîskar, Derhêner yan jî Sazkarê Îngilîz Fîlmê Herî Serketî: His House, Remi Weekes (Nivîskar, Derhêner)

- Senaryoya Orjînal a Herî Serketî: Promising Young Woman, Emerald Fennell

- Senaryoya Lêanînê ya Herî Serketî: The Father, Christopher Hampton, Florian Zeller

- Derhênere Dîmenê yê Herî Serketî: Nomadland, Joshua James Richards

- Fîlmê Neîngilîzî yê Herî Serketî: Another Round

- Edîtkirina Herî Serketî: Sound Of Metal, Mikkel E.G. Nielsen

- Anîmasyona Herî Serketî: Soul