Diyarname

Komisyona Bilind a Serbixwe ya Hilbijartinên Iraqê ragihand ku di dema lidarketina hilbijartinê de tu guherîn nîn e û roja 10’ê Kewçêra 2021’ê dê hilbijartinê li dar bixin.

Komîsyonê bang li hemwelatiyên xwe kir û got ku heta 15'ê vê mehê agahiyên xwe nû bikin.

Li Iraqê îsal di bin 30 hevpeymanan de li dor 250 partiyên siyasî dê tevlî hilbijartinê bibin. Hevpeyman heta dawiya vê mehê dikarin îtîfaqê çêkin. Pêşkêşkirina lîsteya berendamên mebûsiyê jî heta 17'ê vê mehê ye. Komîsyonê ragihandiye ku wan ligel kompaniyeke alman li hev kiriye ku ji bo hilbijartineke bê alî û bê hîle çêbibe ew dengdanê qontrol bikin.

Li Iraqê li dor 25 mîlyon hilbijêr hene. Di hilbijartinên Iraqê de bi giştî lîsteyên suniyan, şiîyan û lîsteya kurdan derdikeve pêş. Di hilbijartina 2018'an de asta beşdariyê negihîştibû sedî 50'î.