Diyarname
Serokdewletê DYA'yê Donald Trump di nava salên 1990'an de  li New Yorkê nivîskar E. Jean Carrollê tacîz kiribû. Niha dadgerê ji ber vê yekê Trump sûcdar dît û  5,8 mÎlyon dolar cezayê pereyan lê birî.

Nivîsar E. Jean Carroll doz vekiribû û îdîa kiribû ku di sala 1996'an de li New Yorkê, li kabîneya kincguhartinê ya Mexazeya Bergdori Goodman de Trumpî ew tacîz kiriye.
Trumpî îdîa red kiribûn. Di doza "Tecawiz û heqaret"ê de jurî di gulana 2023'yan de Trump sûcdar dîtibû. Ji wê rojê de jî serdema îtîrazê dom dikir. Niha doz bi dawî bû.
Li ser navê nivîskar Carroll parêzer got ku piştî çar salên dozê, êdî dem hatiye ku doz bi dawî bibe. Lê parêzerên Trumpî hê dixwazin doz bidome û paşê betal bibe. Îdîaya aliyê Trumpî ew e ku reqîbên wan ên siyasî pergala hiqûqê li hemberî wan li gor xwe didin xebatê.

Di sala 2023'yan de dema juri biryara cezayê dabû, Trumpî cih de dor 5 mîlyon dolar pere razandibû. Lê dîsa jî dozê dewam dikir. Niha bi faîzên wê re ceza bilind bû.

Li New Yorkê salên borî zagon guherîbû û bi vê yekê re, ger berê jî tacîz, îstîsmar û tiştên wisa çêbûbin, destûr dabû ku li ser van doz bê vekirin. Piştî vê yekê nivîskar Carroll doz veiribû.

Di serî de AP, The Wall Street Journal, The Telegraph, NBC News çapemenî cihek berfireh da meseleyê.