Diyarname

Dewletey Îngilistanî serey 1973 de bî endamê Yewbiyîney Ewropa (YE). Bî nizdê 50 sereyo ene têkilî yînan dewam kena la enka Îngilistan YE ra bî.

Qeybî ke dewlete YE ra bibo ya nê di serey 2016'inan de bi namey "Brexit" referandûm hame viraştişî û sera 51.89'ê şarê Îngilistanî vengê "Erê" dabî.

Dewletey Îngilistanê dimay "Brexit"î raYewbîyîney Ewropa (YE) ra. Roco peyîn ê 2020, saet 23.00 de zingilî Bîg Benî da pero û têkilî YE û Îngilistanê qediya. Semedê vîrusî qet çalakî niyamey viraştişî.

Serokwezîrê Îngilistanî Boris Johnson peyam vila kerd û va, "Eno biryar qeybî welatî çîkew mikemel o. Ma azadî xo girote û heta ma beşkê ma wazenê fêde ene çî ra bigîrê:"

Go enka se bibo?

Gorey ene joy ra biryarên newey go bêrê girotinî, kar û bar gorey ene joy ra şikil bigîro. Fermo çende xalî:

- Hetê bazirganî, rêwîtî, koçkerdin, hiqûq û ewlehî de go biryarê newey bêrê girotişî.

- Enka ra pey YE û Îngilistan go gorey dayîn û girotişê bazirganiya serbest ra têkilî xo dewam bikerê la hetê hiqûqî ro dadgehê Îngilistanî di binê YE de niyê.

- Heta enka hemwelatiyê Îngilistanî eşkayne heta heta welatêke Ewropa de bimanê û kar bikerê la eno maf şî. Qeybî endamanê YE yê bînan ke şorê Îngilistan jî eno derba  beno.

- Malê ke şinê welatan go rastê gumrike bêrê, eno jo go bikero ke karê burokratîk tewrtir bibê.

- Heta enka vîze çinêbî, enka ra pey go vîze bêro viraştişî.

- Miyanê welatan de karê dayiş û girotişê îstîxbaratî go bibo kemî.

- Îngilistan behranê xo gêno binê destê xo. Yê miyanê welatanê Ewropa de karê girotişê maseyan kenê go nêşko serbest şorê miyanê behranê Îngilistanî de maseyan bigîrê.