Diyarname
NASA'yê ragihandibû ku dê roja duşemê agahiyeke xweş belav bike û îro eşkere kir: Li ser rûerda hîvê, aliyê ku rojê dibînê av heye.
NASA'yê li ser vê yekê daxuyanî da û got, "Infrared Astronomy Stratosphere Observatory (Raçavxaneya Astronomiyê) yekemîn car eşkere dike ku li ser rûyê hîvê, ê aliyê ku rojê dibîne av heye. Ev kifş nîşan dide ku dibe av li ser rûyê hîvê belav bûbe, dibe ku ev ne tenê bi aliyên sar û bi sî bi sînor be."
Navenda Firîna Fezayê ya Goddard ku navenda wê Maryland e eşkere kiriye ku li ser rûyê hîvê ji dêvla hîdroksîl (OH) cemeda avê (H2O) hatiye dîtin û ev yek erê kir.
Ji Zanîngeha Colorado Profesorê Astrofîzîkê Paul Hayne û koma wî li ser dîmenên ku NASA'yê ji fezayê pêşkêş kirine nirxandin kirin û pîvanên germê jî girtin ber çavan û gotin ku dibe berfirehiya cemedê nêzî 40 hezar kîlometrekare be yan jî bi qasî sedî 0.1'ê rûerdê hîvê bigire.
***
Nûçeya Eleqedar:
- NASA 'agahiyeke xweşik' belav dike