Diyarname
3'yê mehê serê li ekîbên Şaxa Têkoşîna bi Sûcên Organîze re li Stenbol û bajarên din avêt ser klûbên fûtbolê û li dor 50 kesî girt bin çavan. Di nav wan de Serokê Klûba Fenerbahçeyê Aziz Yildirim jî heye.
Li dinyayê, li gelek welatan meseleya şîkeyê her di nav fûtbolê de hebûye. Par li Îtalyayê gaveke mezin hate avêtin û Juventus ji lîga yekemîn hat avêtin û bi şandin lîga duyemîn ew hat cezakirin, gelek tîmên din cezayên cur bi cur xwarin.
Roja 3'yê mehê li ser şîkeyê polîsan operasyoneke li dar xist. Li Fenerbahçe, Beşiktaş û Trabzon lêgerîn hat li dar xistin.
Her wiha li bajarên wekî Stenbul, Enqere, Îzmîr, Antalya, Trabzon, Eskişehir, Sivas, Giresun, Amed, Mêrsin û Boluyê operasyon li dar ket û gelek kes hatin binçavkirin.
Kesên di bin çavan de
Di nav van de Serokê Klûba Fenerbahçeyê Aziz Yildirim, Serokê Klûba Sêwasê Mecnun Odyakmaz, Serokê Duyemîn ê Fenerbahçeyê Şekip Mosturoglu, Midûrê Karên Malî yên Fenerbahçeyê Tamer Yelkovan, Kordînatorê Şaxên Amator ê Fenerbahçeyê Cemil Turan, Teknîk Dîrektorê Eskişehirsporê Bulent Uygun, Dîrektorê Sportîf ê Eskişehirsporê Umit Karan, Serokê Diyarbakirsporê yê berê Abdurrahman Yakut (Pêşberendamê mebûsiyê yê AKP'ê), midûrê KLûba Altay Erman Ertaş, teknîk direktor Levent Eriş, menejerê fûtbolkaran Tarik Ozertem, Ozden Arslan û Serdar Berkin, xwarziyê lîstikvanê Fenerbahçeyê Emre Belozoglu Volkan Bahçekapili, serokê Giresunsporê Omer Ulku, rêveberê berê yê Giresunsporê Hakan Karaahmet, Serokê Komeleya Alîgirên Giresunsporê Ozden Tutuncu, Serokê Duyemîn ê Mersin İdmanyurduyê Beşir Acar û rêberê trîbunan Murat Taniş, antrenorê cîgir ê Gençlerbirligi yê berê Cengiz Demirel, lîstikvan Emmanuel Emenike, Korcan Çelikay, Mehmet Yildiz, Sezer Ozturk, Mahmut Boz, 3 rayedarên Federasyona Fûtbolê ya Tirkiyeyê, hin menajer û rêveberên klûba bi giştî 50 kes hatin binçavkirin.
Kurtedemekê berê polîsan avêtibû ser kLûba Bursasporê jî û serokê klûbê girtibû bin çavan û paşê serbest hatibû berdan.
Ev operasyona ku hatiye kirin di dîroka fûtbola Tirkiyeyê de orepasyona herî mezin e ku di asta bilind de kes têne binçavkirin.
Hate gotin ku hemû maçên sala 2010-2011'an di bin lêpirsinê de ne û 20 maçên Lîga Duyemîn a Tirkiyeyê di bin raçavkirinê de ne.
Îdîaya şîkeyê ya li ser van maçan
Di çarçoveya vê operasyonê de, bi taybetî li ser maça Lîga Super a Tirkiyeyê ya di navbera Fenerbahçe û Eskişehir, Eskişehir û Trabzon, û Sêwas û Fenerbahçeyê de lêpirsîn tê kirin. Tê îdîakirin ku di van maçan de şîke hatiye kirin.