Diyarname
Betalkirina mebûsiyê, meseleya xweseriyê, helwesta Rusyayê. Vane sê nûçeyên eleqedarê kurdan...
Demîrtaş: Me qala xweseriyê nekir
Kurtedemek berê Mebûsê CHP'ê Eren Erdem li girtîgehê çûbû serdana Hevserokê HDP'ê Selahattin Demîrtaş û piştî hevdîtinê ji bo çapemenî gotibû ku Demîrtaş daxwaze xweseriyê nekiriye. Li ser vê yekê Demîrtaş notek ligel parêzerên xwe şand ji bo çapemeniyê û wisa got: "Li ser vê daxuyaniyê ez gelek şaşwaz bûm. Di hevdîtina me de bi peyvek jî li ser xweseriyê axaftina me çênebû. Ligel vê yekê jî ez hevdîtina me ya ligel birêz Erdem rast nabînim ku bi vî awayî bê rojevê. Kesên li ser vê meseleyê fikrên min meraq dikin dikarin li belgeyên partiya me binêrin. Ez dixwazim bê zanîn ku peyva ku ji devê min derneketibe li ser navê min bê nîqaşkirin yan bê rojevê ez qebûl nakim."
Putîn: Emê xebata xwe ya ligel kurdan bidomînin
Serokdewletê Rusyayê Viladimir Putin got ku li Sûriyeyê ewê xebata xwe ya ligel kurdan bidomînin, ne hewceye Tirkiye bikeve nava metirsiyê. Her wiha Putin got ku ne hewceye ew çekan bidin kurdên Sûriyê, jixwe ew bi xwe temîn dikin.
Betalkirina mebûsiya HDP'yiyan
Komîsyana jêrîn a Meclisa Tirkiyeyê ji bo mebûsiya mebûsên HDP'ê Faysal Sariyildiz û Tugba Hezer betal bike li hev civiya. Komîsyonê li hemberî 3 denagan bi 9 dengan biryar da ku dosyaya betalkirina mebûsiya Sariyildiz û Hezer bişînin Dîwana Serokatiya Meclisê. Dosya ji ber ew her du nayên meclisê hatiye amadekirin.
Der barê Sariyildiz û Hezer de biryara tewqîfkirinê heye, ji ber vê yekê her du mebûs derketin derveyî Tirkiyeyê.
Di civînê de endamê HDP'ê daxwaza wekhevî û heqaniyetê kir û diyar kir ku Serokwezîrê berê Ahmet Davutoglu jî nayê meclisê; her du endamên CHP'yî piştgirî dan vê yekê, lê bi dengên mebûsên AKP û MHP dosya hat sewqkirin.