Stenbol
Ajansa Nûçeyan a Dîcleyê (DÎHA) nûçeya bi navê “Li hemberî vê ajanê baldar bin" derewand.

DÎHA’yê ragihand ku herî dawî di malpera bi navê www.serbesti.net de navê Mazlum Can hatiye bikaranîn û li ser navê DÎHA'yê nûçeyeke bi sernûçeya "Li hemberî vê ajanê baldar bin" ajansa wan hedef hate nîşandan.

Daxuyaniya DÎHA’yê wiha ye: “Ajansa me ya ku tenê xwe dispêre civaka ku dibe dengê wê û di vî warî de tu caran nakeve fikaran, di çarçoveya rêgezên gerdûnî yên çapemeniyê de weşana xwe didomîne rastî pêkutiyên cur bi cur tê. Ji ber nûçeyên ku têne weşandin der barê gelek nûçegihanên me de doz û lêpirsîn tên vekirin û gelek caran jî dema ku nûçeyan dişopînin tên astengkirin.

Em van pêkutiyên li dijî ajansa me di çarçoveya der û dorên ku li her deverê cîhanê ji rastiyan aciz dibin de dibînin û dinirxînin. Vê carê jî em êrîşeke sanal re rû bi rû ne. Herî dawî di malpera bi navê www.serbesti.net de bi navê Mazlum Can hatiye bikaranîn û li ser navê DÎHA'yê nûçeyeke bi sernavê "Li hemberî vê ajanê baldar bin" ajansa me hedef hate nîşandan. Ev nûçe piştî du rojan ji malparê hate rakirin.

Em vê pêkanîna ku derveyî quralên axlaq û etîkê ye şermezar dikin. Ev nûçe ji aliyê ajansa me ve nehatiye amadekirin. Nûçegihanekî me yê bi vî navê ku di nûçeyê de îmzeya wî heye jî nîn e. Em vê yekê bi rêzdarî bi raya giştî re parve dikin.”