Diyarname
Piştî Sezen Aksu û Yildiz Kenter hunermend Şivan Perwer, Tarkan û Kîbariye jî bi îmzeyên xwe piştgirî dan xebata parastina Heskîfê.

Komeleya Xwezayê ev demekê ye kampanyaya Bila Heskîf Têk Neçe daye dest pê kirin. Di vê çarçoveyê de îmzeyan berhev dike. Heta niha 75 hezar kesî îmze avêtiye bin metnê ku hatiye amadekirin. Di vê çarçoveyê de navdar jî piştgirî didin vê kampanyayê. Heta niha stranbêj Sezen Aksu û şanoger Yildiz Kenter jî bi îmzeyên xwe piştgirî dabû vê kampanyayê.
Komeleya Xwezayê tevî îmzeya wan wêneyê wan û yê Heskîfê di bîlboardan de daliqandibû. Niha Tarkan, Şivan Perwer û Kîbariye jî li van hate zêdekirin û wêneyên wan jî tevî îmzeya xwe a piştgiriya ji bo Heskîfê li bîlboardan daliqandin.

Hunermendan bi van gotinan piştgiya xwe diyar kirine:

Şivan Perwer: Ez li hemû dinyayê li azadiyê geriyam. Ezê li Heskîfê azad bibim.

Tarkan: Ez bi muzîkê hatim dimê, li Heskîfê hişyar bûm.

Kîbariye: Ez mêvan hatim vê dinyayê, ji Heskîfê ketim rê.

Di vê çarçoveyê de Sezen Aksû gotibû, "Ez ji Îzmîrê me, li Heskîfê hatime dinê" û Yildis Kenter jî ev gotin anîbû ziman: "Ez Anadolî me, 15 hezar sal in li ser dika Heskîfê me".