Diyarname
Komeleya Xwezayê ji bo Heskîf têk neçe ji hunermenda îmze girt. Pêşî Sezen Aksu îmze avêt.

Komeleya Xwezayê ji bo Heskîf di bin avê de nemîne û UNESCO wê derê bixe nav Mîrateyên Çandî kampanyaya îmzeyan dabû dest pê kirin û heta niha 66 hezar û 810 kesî îmze avêtiye bin metna wan.

Komele ji bilî vê ji hunermendan jî îmzeyên piştgiriyê digire. Komele ji îmzeya ku ji hunermendan girtiye jê îlaneke amade dike. Îlana pêşî ji îmzeya Sezen Aksu hatiye çêkirin. Aksu dibêje: "Ez ji Îzmîrê me, ez li Heskîfê hatime dinê".

Di metna ku Sezen Aksu îmze kiriye de wisa tê gotN: "Heskîf bi dîroka xwe ya herî hindik 10 hezar salî, ji 10 krîterên Mîrateya Dinyayê ya UNESCO'yê 9'an tîne cih."
Aksu ji bo vê yekê piştgirî daye kampanyayê û ew jî dixwaze UNESCO Heskîfê bixe nav lîsteya Mîrateya Çandê.
Di hefteyên pêşiya me de dê îlanên ku peyamên hunermendan û îmzeya wan têde ye bêne amadekirin û weşandin.

Serokê Komeleya Xwezayê Guven Eken daxuyand ku Heskîf û Newala Dîcleyê xwedî nirxeke gerdûnî ya mîrateya xweza û çandê û ji ber vê yekê her ku diçe kampanyaya wan xurt dibe.

Her wiha Eken li ser Heskîfê wisa got: "Di roja me de tiştekê ku Tirkiye divê bike ne ew e ku Heskîfê noqav bike. Tiştê heq dike ew e ku bikeve nav lîsteya Mîrateya Çandî ya UNESCO'yê û wê ragihînin pêşerojê."