Diyarname
Li dinyayê yek ji şanoya navdar jî Şanogeha Broadway e. Li ser serdema payîzê biryara xwe da: Heta 3'yê rêbendana 2021'ê dê deriyên wan girtî bin.
Vîrusa koronayê hê jî hatimê dinyayê ye û nahêle gelek çalakiyên çandî li dar bikevin. Şanogeha Broadway ku l idinyayê tê zanîn biryar da ku vê payîzê jî ji ber vîrusê deriyên xwe veneke. Berdevka Çapemeniyê ya Şanogeha Broadway Charlotte St. Martin got ku wan lîstikên payîzê betal kirine û ev yek lê zêde kir: "Em ligel sendîkayên şanoyê dixebitin û ji bo ji nû ve derî vekin li hemû protokolan dinêrin, ji pisporan piştgiriyê digirin. Niha derî girtî ne. Yên bixwazin dikarin bilêtên xwe îade bikin."
Broadway hemû sehneyên xwe yên li New Yorka DYA'yê di 12'yê adara 2020'an de girtibûn. Hedef dabû pêşiya xwe ku payîzê dîsa deriyên xwe vekin lê çênebû û niha hedef ew e ku roja 3'yan a sala nû vekin.
Ev biryara Broadway nîşan dide ku heta dawiya salê jî divê mirov hay ji xwe hebin û ji cihên ser/dor girtî dûr bisekinin.