Diyarname
Heyeta MSD'ê di bin serokatiya Hevseroka MSD'ê (Meclisa Sûriyeya Demokratîk) Leyla Kahraman de li Suveydayê ligel rêberê Durziyan Hîkmet Hîcrî hevdîtin pêk anî.

Durziyên ku ew jî di Sûriyeya nû de dixwazin xweser bin, xwedî hêz û çek in. Di hevdîtina MSD û Durziyan de li ser Sûriyeya nû nîqaş hate kirin.
Berî vê hevdîtinê rêberê durziyan Hîcrî rêveberiya îslamî ya HTŞ'ê red kiribû, ji bo Sûriyeyê dewleteke laîk û demokratîk ku rayeyê bi herêman ve parve bike pêşniyar kiribû.

DURZÎ KÎ NE?
Li Sûriyeyê Dûrzî kî ne, çiqas hêza wan hene, li ku dijîn? 
Va ne hin agahî:
- Li gor agahiyên ne fermî li Sûriyeyê nêzî 700 hezar nifûsa dûrziyan heye. Li Lubnanê jî dor 160 hezar nifûsa wan heye. Li nav sînorê Îsraîlê jî çend gundên wan hene û dor 10-15 hezar nifûsa wan heye.
- Navenda wan li dor Golan û Çiyayê Durzî ye. Li dor Girên Golanê dor 120 hezar serjimariya wan heye.
- Durzî dûajoyên Dewleta Fatimî, yanê dûajoyên Îsmaîliyan têne hesabê. Ew Xelîfeyê Fatimî yê Misrî Hakim Bîn Emîrilahî wekî Xweda, cigîrê wî Hamza Bin Elî jî wekî pêxember qebûl dikin.
- Ew pirtûka "Resâliu'l-Hikmet" wekî pirtûka xwe ya pîroz dibînin.
- Îdîaya ku ew jî kurd in hene, lê ew xwe ereb dihesibînin. Tê gotin, koka wan digihîje Mazdek, Med, Persan
- Ji aliyê baweriyê ve dişibin elewiyan.
- Dema Rejima Esad de jî wan xweserî dixwest, niha jî dixwazin.
- Di dema êrîşên DAIŞ'ê de wan hêzên xwe yên çekdar ava kirin, di sala 2023'yan de li dijî Esad jî derketin û ev hêza xwe ya çekdar xurtir kirin. Piştî Esad jî wan ji HTŞ'ê xweserî xwest.
- Niha sê tûgay hêza wan a çekdar heye. Li gundên xwe jî wan hêzên xwe yên parastinê saz kirine. Ji bilî vê li nav Artêşa Îsraîlê yekîneya Dûrziyan heye.

SEROKDEWÎRÊ ÎSRAÎLÊ LIGEL DURZIYAN CIVIYA
Li aliyê din Serokwezîrê Îsraîlê Benjamin Netanyahu îro ligel rêberê ruhanî yê durziyan Şeyh Muvaffak Tarifi hevdîtinek pêk anî.