ENQERE
Parlementerên BDP'ê xwestina Girtîgeha Ulucanlarê ya kirin mûze ziyaret bikin. Lê destûr nedan ku wekîl bikevin Girtîgeha Ulacanlarê a bûye mûze.
Girtîgeha Ulacanlerê ya wekî navenda îşkenceyê ya Tirkiyeyê ya Denîz Gezmîş, Bulent Ecevît û parlementerên DEP'ê Leyla Zana, Hatîp Dîcle, Orhan Dogan, Selîm Sadak, Mahmut Alinak têde hatin girtin, kirin mûze û rastî eleqeyekî mezin tê. Parlementerên BDP'ê Sirri Sakik, Akin Birdal û Bengî Yildiz, xwestin girtîgeha salên borî lê mane ziyaret bikin lê ji aliyê rayedaran ve destûr nedan bikevin hûndûr. Mûzeya duh Wezîrê Çandê û xebatkarên çapemeniyê ziyaret kirin sedema destûr nedayîna wekîlên BDP'ê hêj vekirina mûzeyê pêkhatiye nîşandan.
Parlementerê BDP'ê Sirri Sakik, bertek nîşanî vê yêkê da û bibîrxist ku di sala 1994'an dema Parlementerên DEP'ê bi hevalên xwe re li Ulucanlarê maye û wiha got: "Li vir li hemberî mirovan sûcên gelek mezin hatin kirin. Di operasyona 19'ê Kanunê de çi hatin jiyîn hemû kes dizane. Lê rayedarên wê demê komkujî pêkanîn hêj li ser kar in. Tirkiyeye mecbûr e bi paşroja xwe re rû bi rû bê. Divê kiryarên komkujiyên bên darizandin. Di 19'ê Kanunê de li Enqere berf dibarî wê şevê xwîn tevlî berfê bû." Sakik, diyar kir ku li vê girtîgehê gelek şoreşgerên wekî Denîz, Huseyîn û Yusuf hatin dervekirin û her wiha siyasetmedarên wekî Leyla Zana, Orhan Dogan, Akin Bîrdal jî li vê girtîgehê man.
Parlementerê BDP'ê Akin Bîrdal jî diyar kir ku ji ber di axaftinekî xwe de gotibû "Gelê kurd" hate girtin û li Girtîgeha Ulucanlarê ma. Bîrdal, anî ziman ku tenê Ulucanlar kirin mûze pirsgirêkê bi dawî nabin. Bîrdal, da zanîn ku divê Girtîgeha Amedê jî wekî Ulucanlarê bibe mûze.
SAKIK: MGK DEWETÊ LI ŞÎDETÊ DIKE
Sakik pirsên têkildarî civîna MGK'ê ji bersivandin û diyar kir ku Gul û Erdogan bi ziyaretên herêmê hebûna gelê kurd qebûl kirine. Sakik, anî ziman ku piştî pêşnûmaya Xweseriya Demokratîk a KCD'ê dest bi gotina yek ziman, netew kirine. Sakik, destnişan kir ku serokwezîr biryarên di civîna MGK'ê de girtin di kursiya meclîsê de ji wan re gotin û wiha axivî: "Di vê mijarê de qaşo xwediyên biryarê siyaset e MGK' ne. Berê xwe bidinê biryar girtima Serokwezîra wê demê Tansu Çîller û Serfermandarê wê demê Dogan Gureş da. Di wê demê de jî heman polîtîka hatin meşandin lê pirsgirêk bi dawî nebûn. KCD'ê pêşnûmayek pêşkêş kir. Divê li ser vê pêşnûmayê bê axivîn.
YILDIZ: MGK YA ME QEBÛL NEKE EM JÎ BIRYARÊN WÊ QEBÛL NAKIN
Bengî Yildiz jî diyar kir ku danezana civîna MGK'ê li gorî makezagonê tê wateya wê tuneye û wiha got: "MGK ya me qebûl neke em jî biryarên wê qebûl nakin."