Diyarname
Li Dewletên Yekbûyî yên Amerîkayê (DYA) saziyên sivîl ji bo alîkariya mirovan kampanyayeke bi navê "All in Challenge" hatiye dest pê kirin. Du lîstikvanên navdar banga piştgiriya vê kampanyayê kirin.
Lîstikvan Robert de Niro û Leonardo Dicaprio got ku yên piştgiriya vê kampanyayê bikin ji wan dê yekê/ê di fîlmê xwe de bidin lîstin. Her du lîstikvan di fîlmê nû yê derhênerê navdar Martin Scoserse yê bi navê "Killer of the Flower Moon" de bilîzin.
Yên bi xwazin piştgiriya kapmanyayê bikin bi 10, 25, 50 yan jî 100 dolarî dê alîkarÎ bikin û her alîkariyek dê mafê pişkeyek bide wan
Ji bilî van ji bo piştgiriya vê kampanyayê hin navdarên din jî bangên cur bi cur kirin. Ji wan stêrkê popê Justin Biber gotiye ji yên piştgiriyê bidin dê here mala yekî?ê û strana "One Less Lonely Girl" bi hev re bistrên. Justin Timberlake û Bill Murray jî diyar kirine dê ligel hezkiriyek xwe li Pebble Beachê golfê bilîzin
Bernameçêkera navdar a televîzyonê Ellen DeGeneres jî diyar kiriye ku dê kesek derxe bernameya xwe. Ji Hollywoodê Matthew McConaughey gotiye dê ligel kesek here li maça fûtbola Amerîka temaşe bike, lîstikvanê malnişîn ê NBA Magic Johnson jî gotye ligel kesek dê here maça basketbolê ya Los Angeles Lakes temaşe bike.
Pereyên bêne berhevkirin piştî vîrusa koronayê ji bo kesên ji karên xwe hatine avêtin, ji bo feqîr, extiyar û kesên pêdiviya wan pê heye bê bikaranin. Heta niha di vê çarçoveyê de 7 mîlyon dolar hatiye komkirin.