Diyarname
Rewşenbîrê kurd Tarik Ziya Ekîncî û jina wî Perîhan Ekîncî 614 donim erazî xwe diyarî Weqfa Îsmaîl Beşîkçî (WÎB) kir Parêzer Rûşen Aslan ku endamê Heyeta Mutevelî yê weqfê ye ev mijar anî rojevê.
Parêzer Rûşen Aslan ji ser hesabê xwe yê tora civakî re gotarek dirêj nivîsî û qala avakirina Weqfê, xebatên xwe yên di weqfê de kir. Aslan qala Îbrahîm Gurbuz ku avahiya xwe ya li Kolana Îstîklalî Kuçeya Ayhan Işik kir ku çawa diyarî weqfê kiriye. Paşê diyariya eraziya parêzer Alî kemal Alhanslioglu kiriye ku wî jî ezariya xwe ya li Elbistanê diyarî kiriye û paşê gotin aniye îro.
Aslan ku yek ji rêveberên weqfê bû diyar kiriye ku rewşenbîrê kurd Dr. Tarik Ziya Ekîncî û jina wî 614 donim eraziya xwe diyarî weqfî kiriye. Aslan wisa dibêje: "Çend sal berê Kek Tarik bi telefonê li min geriy, got ku ew dixwaze 614 donim eraziya ku ji bavê wî maye diyarî weqfê bike. Ev mal ji bavê min mabe jî ew aîdê gelê kurd in. Ez dixwazim vê axê diyarî xebatên ji bo gelê kurd têne kirin bikim. Ezê ligel xizmên xwe biaxivim. Ger ew bixwazin van eraziyan bikirin berdêla wê ezê diyarî weqfê bikim, nekirin ezê eraziyê diyarî bikim."
Aslan dibêje Ekîncî wekalet daye wî, lê ew di heman demê de endamê Rêveberiya WÎB'ê bû, loma etîk nedibû. Li ser vê wî ji rêveberiya weqfê îstîfa kiriye û bi vê wekaletê re eleqedar bûye. Aslan wisa dibêje: "Ji ber vê helqesta wî ya mînak ez sipasiya Kek Tarik dikim. Ew ku jiyana wî di nav têkoşînê de derbas bûye di 95 saliya xwe de hê gotaran dinivîse. Gotina wî 'Ev ax aîdê gelê kurd e. Ez diyarî weqfeke çandî ku bo fêdeya gelê kurd dixebitim dikim' gelek bi wate ye. Bi ya min nave kek Tarik divê bi ebedî li weqfê bijî. Ez sipasiya wî û jina wî Perîhan xanimê dikim."