Diyarname
Ji ber vîrusa koronayê li gelek cihan gelek çalakî hatin betalkirin. Me ew dan hev...

Fîlmmor betal kirin

18'emîn Festîvala Fîlman a Jinan a Gerok a Navneteweyî îsal dê 16'ê mehê li Stenbolê dest pê bikira lê ji ber vîrusa koronayê hat betalkirin.

Koma Fîlmmorê bi daxuyaniyek ev betalkirin eşkere kirin: "Me ragihandibû ku 16'ê mehê dê li Stenbolê dest pê bike lê ji ber belavbûna vîrusa koronayê ku Rêxistina Tenduristiyê ya Dinyayê ew wekî pandemî bi nav kiriye em ji bo dîrokek pêş betal dikin. Heta ev vîrus bê kontrolkirin niha bi xatirê we."

Festîval dê navbera 16-22 li Stenbolê, 4-5'ê avrêlê li Bodrum, 11-12'yê avrêlê li Antalya, 18-19'ê avrêlê li Mêrsîn, 25-26'ê mehê li Yalova, 2-3'yê gulanê li Edene û 9-10'ê gulanê li Amedê li dar bikeve.

Aksanatê derî girt

Aksanat ku gelek çalakiyên çandî li dar dixe bi daxuyaniyeke kurt ragihand ku hemû çalatiyên xwe yên di navbera 12-31'ê adara 2020'an deji bo demek din betal kirin.

Di navbera 16-26'ê vê mehê de 16'emîn Festîvala Kurtefîlman a Navneteweyî ya Akbankê dihat lidar xistin. Ew jî hat betalkirin.

WÎB'ê jî çalakî betal kirin
Weqfa Îsmaîl Beşîkçî ya Stenbolê daxuyaniyeke weşand û ragihand ku wan çalakiyên xwe ji bo dema pêş bi paş ve xistine. Li WÎB'a Stenbolê dawiya vê hefteyê dê çalakiya bi navê "Kevneşopiya Dengbêjî û Cinsiyeta Civakî: Mînaka Midyadê" lidar bixista. Ew jî hat betalkirin.

Îş Sanatê çalakî betal kirin
Îş Sanat a Stenbolê daxuyand ku heta 30'ê avrêla 2020'an hemû çalakiyên xwe betal kirine.

Documentaristê çalakî betal kir