STRASBOURG
Xelata Sakharov a Parlemena Ewropayê (YE) dan "rojnamegerê muxalif" ê ji Kubayê Guillermo Farinas. Rojnaemger li hemberî rejima Kubayê 23 rojan ketibû gireva birçîbûn.
Şefên komên siyasî yên YE'yê sê kes wekî berendam nîşan dabîn û di encamê de Guillermo Farinas (48 salî) ji bo xelatê guncan hat dîtin. Her du kesên din muxalifê ji Etiyopya Birtukan Mideksa û rêxistina sivîl a civakî ya Îsraîlê "Breaking the silence" bû ku wê mafê gotinê dida leşkerên berê yên Artêşa Îsraîlê.
Muxalifê kubayî ji ser înternetê re rojnamegerî dike. Ew ajansa Cubanacan Pressê ku bi awayekî 'Derqanûnî' weşanê dike bi rê ve dibe û di heman demê de endamê "Îtîfaka Kuba ya Demokratîk" e ku ev rêxistin bi awayekî veşarî xebatê dike.
Guillermo Farinas di 15'ê berfanbara îsal de wê xelata xwe bigire. Her sal kesên di warê mafên mirovan û demokrasiyê de xebat kirine bi vê xelatê têne xelat kirin. Di sala 1995'an de siyasetmedara kurd Leyna Zana jî bi vê xelatê hatibû xelatkirin.