Stenbol
Yek ji rêveberên kevn yê Komeleya Yekbûn û Pişgiriya Hemû Mamostayan (TOB-DER), nivîskar û siyasetmedarê kurd Îsmaîl Goldaş li Stenbolê jiyana ji dest da.

Nivîskarê kurd Îsmaîl Goldaşê îro li navçeya Beylîkduzuya Stenbolê jiyana xwe dest da. Goldaş, di sala 2005’an de di encama xwînariya mêjî de bîra xwe winda kiribû û girêdayî nivînan bûbû. Goldaş ji wê demê de dihat dermankirin lê îro êdî bedena wî nikarî vê zehmetiyê hiligire û jiyana xwe ji dest da.

Îsmaîl Goldaş, di sala 1950’î de li navçeya Erdîşê ya Wanê ji dayîk bû; di sala 1970’î de dest bi mamostetiyê kir. Goldaşê ku rêveberiya TOB-DER kiribû, di Derbeyên 12'yê Adara 1970’ê û 12'yê Rezbera 1980’yan de hat girtin û bi îşkenceyan re rû bi rû ma.

Der barê Goldaş de gelek doz hatin vekirin, di dema mamostetiyê de hat sirgûnkirin, lê wî her carê ber xwe da, rêya xwe ya têkoşînê domand.

Heta niha di rojnameyên wekî Ozgur Gundem, Welat, Ozgur Polîtîka, Ozgur Ulke, Demokrasî, Ozgur Bakiş de lêkolînên wî hatin weşandin û heta niha pirtûkên wî yên bi navê ‘Kurdistan Tealî Cemîyetî (1991), ‘Takriri Sukun Goruşmeleri’ (1998), 'Lozan: Biz Turkler ve Kurtler' hatin weşandin.

Piştî salên 90'î Goldaş di nav siyaseta legal a kurd de cih girt. Goldaş di nav HADEP (Partiya Demokrasiyê a GelP) de kar kir û  endamiya Civata Partiyê û Lijneya Serokê Giştî ya HADEP’ê kir.