Îhsan Bîrgul

Wekî were bîra we di beşa çîroka me ye duyemîn de sofî xwe li ber derê dêra mesihiyan daliqandibû û Monîkayê ew bi halê li wir dîtibû.

Sofiyê me her tim bi xeyala bihuşteke rengîn dijiya. Her çendî xwe ji ber hezkirina Monîkayê wekî rêderketekî didît jî dîsa xeyala wî ya bihuştbûnê her gav jîndar bû...

Piştî binaxkirinê, sofî kişandin pirsên minkir û nekirê. Qenc gotiin, sofî got Monîkayê kir, xirab gotin, sofî got Monîkayê kir. Serê pirsê Monîka, binê bersivê Monîka bû. Sofî qêmîşî Monîkayê nedikir hem jî digot çawa be ew ê dojehê (li gor Sofî, ji ber Mesîhîbûnê) qet nebe ez her tiştî biavêjim stûyê, ji bo bihuşta min mîsoger be. 

Axir pirs dawî bûn. Sofî bi kelecan li benda derbaskirina xwe ya bihuştê bû ango tayînkirina cihê xwe. Bîstek şûnde sofî dît ku li serê girê Erefayê ye. Xalî, tenê, bêxwedî û bêxwedan. Bi dilekî posîde li der û dora xwe nihêrî. Piştre giriya û qîriya:

- Axx Monîka! Ez li wir ne di dêrê de stirîm ne li mizgeftê. Li wir jî ne bihuşt ne dojeh. Ma ev bû cezayê eşqê?!

30.01.2020

birgulihsan21@gmail.com

Têbiniya Diyarnameyê: Ev fotoyê ku me weşandiyê yê lîstikvana navdar Monica Belluciye û tu eleqeya wê û Monîkaya li nav nivîsê nîn e.  

** 

Nivîsên Îhsan Bîrgul ên ku berê di Diyarnameyê de hatine weşandin:
- Girîngiya xebatên tez-pirtûkên bi kurdî
- Sosyalîst û şerîetparêz ne hevkaren kurdan in

- Dêrikî û Qumara bi Mêşan 

- Mistefa Borak: Peeyyyîî! Xorto me tu ji bîr kirî... 

- Îdlîb, Heştî Şabî û êrîşa li ber derî 

- Sofiyê ji bo Monîka ji dêrê û mizgeftê dibe 

- "Sofî û Monîka" 

- Tenzere, kurmanciya Eledax û giyadîniyan 

- Nameya ji Bêrîtana min re! 

- 'Birazî ka klamek Şakiro veke' 

- Kurtenameyek ji bo Mîr Celadet 

- Ev e bêalîtî; Rewşenbîrên Şîfa dîtin Nûjiyan nedîtin! 

- Îro her kes vegeriya ser eslê xwe! 

- Şengal û parastina kurdên êzîdî