Stenbol

Mexazeya Decathlonê bi 45 zimanan panoyeke amade kir lê kurdî nexiste navê. Endamên Komeleya Lêkolînên Kurdî li ber Decathlona li From Îstanbulê daxuyanî dan û ev kirina wê şermezar kirin.
Serokê Komeleyê Eyup Subaşî li vir axivî û got ku bi salan e kurdî rastî polîtîkayên înkarê tê û wisa dom kir: "Decathlonê çendek berê bi dehan zimanan afîş amade kir lê kurdî nexiste navê. Em hêvî dikin bi cih nekirina kurdî ya di afîşê de ne polîtîkaya înkarê, bêbaldarî yan jî xetaya rêveberên herêmî be."

Subaşi got ku divê Decathlon meseleyê zelal bike û her wiha diyar kir ku li hemberî gavên bi vî rengî ewê çalakiyên xwe bidomînin.
Piştî daxuyanî pankarta li ser "Hûn bi xêr hatine" û "Şima xeyr ameyê" bi avahiyê ve kirin. Piştî demek ku pankar daliqî ma, ewlehiyê ew daxist.
***

Ji bo vîdyoyê: