Þengal û parastina kurdên êzîdî
ÎHSAN BÎRGUL
Min bêrê jî gotibû. Em kurd sêwiyên civaka Îslamê ne, kurdên êzidî jî sêwiyên netewa kurd in. Ango biçûkê bira ne. Divê me biparasta û biparêzin. Me kurdên misilman çiqas êþ û azar dîtibe, wan du carê me dîtiye. Çi ji destê misilmanê din çi ji destê me...
Çimkî wexta em ji destê dagirkeran difilitîn em vedigeriyan/vedigerin dora êzidiyan. Û gelek caran jî em bûn /dibin þirîkê qesasê birayên xwe...
Ez naxwazim bikevim nîqaþa dema ketina DAIÞ'ê ya Þengalê. Kî heq kî neheq...
Bêguman berpirsyariya herî mezin ya hikumeta Baþûr e. Ji ber ku Þengal di erdê Baþûr de ye û di bin rêveberiya wan de ye. Çawa ku îro dibêjin "ji bilî me divê tu hêz di vir de nemîne"...
Axir sedem çi be kî be êzidî ketin destê keftar û hovên DAIÞ'ê...
Hêj bi hezaran keç û jinên êzidî di destê wan wehþan de ne û namûs û heysiyeta kurdan li bazarên ereban tên firotin.
Mixabin dar bi xweziyan þîn nabin. Em bibêjin xwezî wiha nebûya jî lê rastî ev e. Bi fermana 74'an Þengala Êzidîxanê bû goristana zarokên bêav mirî...
Çima Þengal û êzidî? Çimkî kurdên êzidî reseniya netewa kurd in. Tenê kurdên êzidî bi zimanê kurdî ibadeta xwe bi cîh tînin. Û çanda nasnameya kurd herî zêde di nava wan de jîndar e...
Bila þaþ neyê fam kirin. Ev nayê vê menê ku em hemû dîsa bibin êzidî an bila êzidî bibin desthilatdarê neteweya me...Lê parastina birayên me ye êzidî deyn û berpirsiyariya me ya neteweyî ye. Em nikarin bi çavên ku misilmanê tirk, ereb û faris li êzîdiyan dinêrin binihêrin. Çendî baweriya me cuda be jî ew birayên me ne û zarokên vê xakê û neteweyê ne.
Eger bi çavekî olperest û mezhebî li êzidiyan binêrin, emê þaþî û xeletiyên bav û kalan dubare bikin. Û bibin kujerê nasnameya xwe.
Ya herî girîng jî ev e. Divê em kurdên êzîdî nekin qurbana bîrdoziyên partiyan. Yanî nekin amûreke siyasetê û siyaseta xwe li ser wan nekin. Di heman demê hemû hizb û tevgerên siyasî yên kurd mecbûr in Þengal û êzidiyan biparêzên. Ev ne minnet e, bicîhanîna erkên niþtimanî ye. Nemaze hikumeta Baþûr. Ji ber ku ew ji her kesî bêhtir dewa netewetiyê dikin û xwedî desthilatî ne.
Gotina dawîn; heta ku tenê yek jineke êzidî jî di destê wehþên DAIÞ'ê de be em nikarin bibêjin em azad in. Ne Kurdistanek heft Kurdistan jî ava bibin pûç e...