Amed
Li Amedê bi beşdariya zêdeyî 100 hezar kesî mîtîng li dar ket. Şaredar Baydemîr axivî. Vaye axaftina Baydemîr:

- Ber xwe bide Amed, berxwedan can dide te. Guh bide, bangek min ji bo te heye, ji bo qevdek azadî, ji bo qevdek edalet, ji bo aştiyeke birûmet silav ji bo te Amed.

- Gelê kurd êdî nayê xapandin. Ev referandûm ne yek e ne jî wê yê dawî be. Emê xebata Zagona Bingehîn a nû bi hev re çêbikin.

- Serokwezîr Erdogan li Amedê xwest wêneyê 12'yê Rezberê çêbike. Ser çavên min lê tiştek ku we ji bîr kiriye heye. Zarokên ku bûne mexdûrê wê zilmê, neviyên wan niha li vê meydanê di Girtîgeha Tîpa E de ne. Serokwezîr got, 'Emê girtîgeha ku zilmê 12'yê Rezberê lê hatiye jiyîn xira bikin'. Na, emê nehêlin ew der bê xirakirin. Ew der dê bibe muzeya mafên mirovan û muzeya aştiyê. Ew der dê nebe dibistan jî. Ji ber ku Serokwezîr wê sirûda 'ez tirk im, rast im, jîr im' bi zarokên me bide xwendin. Xwîna ku pêdiviya Serokwezîr pê heye di rehên wî de ye. Serokwezîr got, 'yek ziman, yek milet, yek welat' lê li Amedê ev negot. Ez jî di hizûra gelê tirk û kurd de li hemberî vê serketina gelê Amedê serê xwe ditewînim."

- Niha, di dema desthilatdariya Serokwezîr Erdogan de vaye wêneyê Ceylan Onkul a li Licêya Amedê. Ger tu ji dil î ser çavan were em meseleyê zelal bikin. Ferhat Kurtay wêneyekî din. Sê metre li wî aliyê min gule li Enes Ata ket. Te çi kir birêz Serokwezîr, te kujer derxistin holê, te hesab pirsî? Te çima ev yek nekir? NNiha li Amedê tu dixwazî wê bigirî? Rûmetê me Apê Mûsa vaye li vir e. Di dema te de gule berdan Hrant Dink. Parastina bi şerm pêşkêşî Dadgeha Magên Mirovan Kirine ya te nin e? Di dema Kenan Evren de ji bo Erdan Eren çi kirin? Pêşî temen mezin kirine. Xebateke din vaye li Qoserê, di 12 salî de dan ber guleyan, paşê temenê wî mezin kirin. Vaye Erdogan û Kenan Evren, vaye wêneyê kesên li nava gund dane ber lêdanan. Em wê zilmê û wê fotografê zilmê ji bîr nakin

- Birêz Serokwezîr ya azadî, ya mizakere, ya aştiya birûmet yan jî partiya we dê bibe partiya tabelayê. Tercih ya we ye. Ger hûn bibêjin diyalog, bibêjin lihevkirin ev gel her amade ye. Piştî 12'yê rezberê jî amade ye. Wê çaxê werin ji bo vê paketê em bi hev re tiştek bibêjin. Li ser kijînê nanê patilê çênabe. Di referandûmê de êdî rengê Amedê diyar e.