Diyarname

Malpera vîdyoyê Youtube li Tirkiyeyê ev 2 sal in qedexe ye. Serokê Komeleya Teknolojiya Înternetê (ÎNTED) Mustafa Akgul da zanîn ku ev qedexe zerarê dide Tirkiyeyê.

Li ser qedexeya Youtube ku îro 2'yemîn salvegera qedexeyê bû Akgul wisa got: "Welatê me ji bo înternetê bigire bin qontrolê wekî Don Kîşotwarî li hemberî înternetê şer daye dest qê kirin. Ji ber ku dadgehek rayeya xwe wekî hemû dinyayê dibîne ev qedexe didome. Rayedarên dewletê qedexeyê rexne dikin lê kes ji bo vê tiştek nake. Wekî welat divê em dev ji refleksên qedexeyê berdin, înternetê ji bo hêsankirina jiyana me, pêşxistina demokrasiyê, pêşvebirina civakê, ji bo reqabeta bi dinyayê re divê em înternetê bikar bînin."

Akgul got ku 10 vîdyoyên ku bûne sedemên qedexeyê jê nivî wan hatine rakirin, nîvê din jî li Tirkiyeyê kes nikare xwe bigihîne wan lê hê qedexeya li ser youtube didome. Akgul got ku Tirkiye bi şereke ku nav lê nekiriye li hemberî înterneta dinyayê têdikoşe.

Rêya ketina youtube

Li Tirkiyeyê youtube qedexeye lê gelek rêyên ku têre mirov bikeve youtube hene. Yek ji wan jî malpera www.ktunnel.com e. Dema hûn vê malperê vekin, li wê derê ji xwe youtube dinivîse. Bêyî hûn li tişteke din bikin, pê li wê derê bikin, bi ser malperê re hûn dikevin youtube.

Hin agahiyên din li ser youtube

- Li dinyayê rojê mîlyorek vîdyo li ser youtube têne temaşekirin.
- 9 hezar û 500 zanîngen youtube ji bo amûrên dersên xwe bikar tîne.
- 4 hezar weqf, 2 hezar û 300 banqe û 2 hezar û 300 enstîtu youtube wekî saziyeke rêya belavkirina agahiyên xwe bikar tîne.