Diyarname
THÎV îsal dikeve 20 saliya xwe. Di vê bîst saliyê de pêşangeha "Nebûna min ji bo hebûna min" vedike. Pêşangeha ku 21'ê mehê vedibe heta 28'ê mehê wê li dar be.
Weqfa Mafên Mirovan a Tirkiyeyê (THÎV) di 30'yê berfanbara 1990'î de hate avakirin û THÎV niha dikeve 20 saliya xwe. Kesên ku ji aliyê fizîkî û rihî ve bi îşkenceyê re rû bi rû mabin THÎV wan derman dike, dike ku wan rehabîlîte bike, ji bo malbatên wan jî dermankirina rihî dike. Heta niha THÎV'ê bi xebatkarên xwe û bi kesên ku piştgiriyê didin wê bi giştî piştgirî daye 12 hezar kesî.
THÎV di vê 20 saliya xwe de bi hilbijêra ku wênesaz Serpil Odabaşi amade kiriye pêşangehek bi navê "Nebûna min ji bo hebûna min" vedike û bi vê pêşangehê bang dike ku ji bo laşên birîndar mirov empatiyê bikin.
Di heman pêşangehê de xêzên wênesaz Abidin Dino jî hene. Di sala 1951'ê, di operasyona li hemberî endamên TKP'ê de gelek kes hatibûn binçavkirin, bi îşkenceyê re rû bi rû mabûn. Dino ev binçavkirin bi xêzan nîşan dabû. "Qêrîna mirovê ku di îşkenceya dema daliqandinê de" ji aliyê Dino ve hatibû xêzkirin ew wekî logoya THÎV'ê hatibû hilbijartin. Ew logo hê jî wekî logoya THÎV'ê tê bikaranîn.
Ev pêşan wê careke din balê bikişîne ser îşkenceyê, mafên mirovî û balê bikişîne ser parastina mafên mirovan.
Ji bo kesên eleqedar:
Vekirina pêşangehê: 21.06.2010, Saet: 19.00
Dîroka pêşangehê: 21-28.06.2010
Navnîşan:
Çankaya Çagdaş Sanatlar Merkezi E Galeri
J.F Kennedy Caddesi Kavaklidere / Ankara