AMED

Ji bo çareserkirina bûyerên li Culemêrgê heyeta ji rayedarên KCD û DBP'ê pêk tê diçe Culemêrgê.

Partiya Herêmên Demokratîk (DBP) bi daxuyaniyeke nivîskî ragihand ku Hevserokê Giştî yê DBP'ê Kamûran Yuksek, mebûsê DEP'ê yê berê Hatîp Dîcle, Hevşaredarê Bajarê Mezin ê Mêrdînê Ahmet Turk, Hevseroka KCD'ê Aysel Tugluk, Berdevkê Kongreya Îslama Demokratîk ê Culemêrgê Fadik Bedirhanoglu, Endamê Meclisa Partiyê yê DBP'ê Cuneyt Caniş, Hevşaredarê Bajarê Mezin ê Wanê Bekîr Kaya, Şaredarê berê yê Bajarê Mezin ê Amedê Osman Baydemîr, wê ligel komek rayedarên din sibê (22'yê mehê) biçin Culemêrgê.

Hevserokê Rêxistina DBP'ê ya Culemêrgê parêzer Mustafa Mîraz Çalli da xuyakirin ku heta KCD û DBP'ê wê sibê saet di 14:00'an de bê bajêr û hin hevdîtinan bike.