Diyarname
Li ser Rojava û Sûriyeyê îro çi hat gotin, çi qewimî? Va ne hin notên derketine pêş:
BIRYARÊN SENATOYA DYA'YÊ
- Senatoay DYA'yê dema "Zagona Sezar" ya li ser Sûriyeyê heta 2029'an dirêj kir.
Li aliye din Senatoyê ji bo piştgiriya HSD'ê (Hêzên Sûriyeya Demokratîk) 148 mîlyar dolar veqetand.
EBDÎ: KOBANÎ DI REWŞEK XETERNAK DE YE
- Serfermandarê HSD'ê Mazlûm Ebdî di daxuyaniya îro de got, "Dewleta Tirkiyeyê li ser sînor tang û erebeyên zirxî bi cih dike. Em piştrast dikin êrîşa li ser Kobanî ji bo wan nabe seyrangeh û hêzên me tevî gelê me yê Kobanî wê bi hemû hêza xwe li ber xwe bide. Bi saya berxwedana lehengî ya HSD’ê û gelê me wê Kobanî ji bo hêzên dagirker dê bibe çala ku derketina ji wê zehmet be.
Serfermandarê Giştî yê HDS'ê  Mazlûm Ebdî ji bo Reutersê axivîye û gotiğe, "Eger agirbest çêbibe, şervanên kurd ên ji derveyî "Sûriyeyê" hatine, ew ê biçin.
Li aliyê din Ebdî gotiğe ku em xwe amade dikin ku çi êrîşên bibin dê bişkînin.
GUTERRES: EM LIGEL TIRKIYE Û QETARÊ DI HEVDÎTINÊ DE NE
- Sekreterê Giştî yê Neteweyên Yekbûyî Antonio Guterres îro ligel Wezîrê Karên Derve yê Iraqê Fuad Huseyîn hevdîtin çêkir û got, "Di navbera hêzên çekdar ên girêdayî Tirkiyeyê û HDS'ê de îhtîmala pevçûnê heye. Li ser vê yekê em hevdîtinê ligel Tirkiye û Qetarê didomînin, ji bo xirecir kêmtir bibe dê gav bene avêtin.
KATALAN ÇÛN CEM EBDÎ
- Heyeteke ji Parlemena Katalonyayê îro çû serdana Mazlûm Ebdî.
KENNEDY: EZÊ GILIYÊ TE BIKIM
- Senatorê Amerîkî John Kennedy: “Erdogan leşker û tangên xwe li ser sînorê Tirkiye-Sûreyeyê bicih kirine. Ev yek tirsê çêdike ku niyeteke wî ya baş li beramberî kurdên herêmê nîn e. Ez li bir bang li Erdogan dikim ku çi planek te li dijî kurdan hebe divê tu dev jê berdî. Ji ber ku eger tu karekê şaş li dijî kurdan bikî, ezê li Kongreya Amerîkayê giliyê te bikim.”
PENTAGONÊ HEJMARA LEŞKERÊN LI SÛRIYEYÊ ZÊDE KIR
- Berdevkê Çapemenî yê Pentagonê Tumgeneral Pat Ryder: 2 hezar leşkerên me li Sûriyeyê ne. Em hêza xwe zêdetir dikin, ji bo em operasyanên dijî DAIŞ'ê xurt bikin em li wir in. 
LI ŞAMÊ ÇALAKIYA PROTESTOYÎ
Li Meydana Emewî ya Şamê bi sedan jin û mêr hatin ba hev û çalakiya protestoyî li dar xistin. Wan diruşmên wekî "Em ne dewleteke olî, em demokrasiyê dixwazin", "Sûriyeyek azad, hemdem", "Gelê Sûriyeyê yek e" bilind kirin.
Li aliyê din parkarta "Heta jinên azad nebin netewe jî azad nabe" vekirin.
HEYETEK AMERÎKÎ DIÇE ŞAMÊ
- Cîgira Wezîrê Derve yê Amerîkayê Barbara A. Leaf wê here Şamê û ligel Colanî bicive. hat gotin ku di 48 saetan de dê ev hevdîtin çêbibe.