Silêmanî

Îro saet dor nîvro Asayîşa Silêmanî çû ber Sînemaya Salim, mifte li derî da û salon girt. Sedem jî dê 11'ê mehê belgefîlmekî li ser Sakîne Cansiz bihata nîşandayîn. Li gor agahiyên rêveberiya sînemayê ji bo nîşandayîna belgefîlm wan destûr ji Rêveberiya Rewşenbîrî û Hunerî destûra nîşandayîna belgefîlm dabûn jî.

Li ser vê yekê rêveberiya sînemayê piştî nîvro daxuyanî da çapemeniyê.

Di daxuyaniya çapemeniyê de rêveberê Sînemaya Salim, Rewez Heme Salih axivî: “Li gorî min sînema û fîlm dikare civakê biguherîne, em her tim bê alî ne û bê cudahî fîlman didin nîşandan. Girtina sînemayê xalek ne şîrîn e û wê di dîroka vî welatî de bimêne. Girtina sînema girtina hunerê, stranê, çand û rewşenbîriyê ye. Em gav bi paş de navêjin, ji ber ku li gorî me guhertin bi rêya çand û hunerê pêk tê.”

Her wiha endamê Rêxistina Niwêger Azad Bayîz jî axivî û got: “Desthilatek kurd û hizbek kurd bi ser sînemaya Salim de digre û qepat dike. Em wekî rewşenbîr û çalakvan ji vê biryarê gelek nerazîne. Bi vê yekê rê li ber hunerê tê girtin, li rexmê ku rêveberiya Rewşenbîrî û Hunerî destûra nîşandana fîlm daye jî, lê tê asteng kirin. Lê niha deriyê sînemaya Salim jî hatiye girtin.”