Diyarname

Di van çend rojên dawî de li gelek bajarên kurdan li baroyan hilbijartin çêbûn û yê gelekan serokên wan guherîn.

Li nav kurdan heta niha rola parêzeran û rola baroyan gelek muhîm bû û hê jî muhîm e. Di hilbijartina baroyan de jî her pêşbazî çêdibûn û van rojan jî wisa bû. Di van çend rojên dawî de li gelek bajarên kurdan hilbijartinên baroyan ji bo serok û rêveberî çêbûn ku dîsa bi gelek lîsteyan. Mînak li Amedê sê kes berendamên serokatiyê bûn. Ji bajarên kurdan di encama hilbijartina baroyan de li Amed, Batman, Şirnex, Mêrdînê serokên nû hatin hilbijartin. Li Wanê û Culemêrgê serokên berê ji nû ve hatin hilbijartin û rêya xwe domandin.

Va ne yên hatine hilbijartin:

- Li Amedê Nahit Eren ji bo serokatî hat hilbijartin.

- Li Batmanê Erkan Şenses ji bo serokatî hat hilbijartin.

- Li Wanê Zulkuf Uçar ji bo serokatî hat hilbijartin.

- Li Mêrdînê Îsmaîl Elîk ji bo serokatî hat hilbijartin.

- Li Şirnexê Rojhat Dilsiz  ji bo serokatî hat hilbijartin.

- Li Culemêrgê Ergun Canan ji bo serokatiyê hat hilbijartin.