Diyarname

Îsal beşeke taybet li festîvalê kirine: "68 û Mîrateya Wê". 10'ê mehê li ser 68'an dê gotûbêjeke li dar bikeve û fîlm bê nîşandayîn.

Di beşa "68 û Mîrateya Wê" ku bi hevkariya Zanîngeha Bahçeşehîrê li dar dikeve de 11 fîlmên li ser 68'an hatine hilbijartin û ew tên nîşandayîn. Fîlm ji aliyê  Kovara Rollê hatine hilbijartin. Yek ji wan fîlman jî belgefîlma derhêner Bahriye Kabadayi yê bi navê "Devrimci Gençlik Koprusu, Buyuk Zap Şairi” ye.
Di sala 68'an de li Stenbolê nîqaşa çêkirina pira Stenbolê dikeve holê. Lê li Zapê ji ber ku pir nîn e mirova di nav çemê Zapê de noqav dibin. Ji bo dubendiya di navbera Rojava û Rojhilat de ji holê bê rakirin nifşê 68'an li dijî pira Stenbolê derdikevin û ji bo li ser Zapê pirekê çêbikin kampanyayê didin dest pê kirin. Di encamê de diçin li ser Zapê pireke çêdikin û navê "Devrimci Gençlik Koprusu" (Pira Ciwanên Şoreşger) lê dikin. Belgefîlmê Bahriye Kabadayî jî li ser vê pirê û wê nifşê ye.
Niha belgefîlm di çarçoveya "68 û Mîrateya Wê" de dê 10'ê mehê saet 14.00'an de bê nîşandayîn.
Heman rojê saet 16.00'an de jî bi beşdariya Murat Belge, Fatmagul Berktay û Ertugrul Kurkçu dê paneleke li Zanîngeha Bahçeşehir Sehneya Kampusa Fazil Say a li Beşîktaşê li dar bikeve.

Kunye:
“Devrimci Gençlik Koprusu”
Derhêner: BAHRİYE KABADAYI
Derhênerê Dîmenê: KORAY KESİK
Vesazkirin: BURAK DAL
Muzîk: SİNAN SAKIZLI
Sazkirin: VTR ARASTIRMA YAPIM YÖNETİM
Ziman: Tirkî-Kurdî; bi jêrnivîsa îngilîzî

Cihê nîşandayînê û gotûbêj: Bahçeşehir Universitesi
Osmanpaşa Mektebi Sok. No: 4-6 Beşiktaş T: (212) 381 00 00