Diyarname
Romaneke nû bi navê "Bahoz" ku bi şêweya destanî hatiye nivîsandin derket.

Roman-destana nû ya Eskerê Boyik ‘Bahoz‘ ji Weşanên Avestayê derket. Eskerê Boyik di ku sala 1941'ê de li Ermenistanê ji dayik bûye, heta niha gelek berhemên wî çap bûne. "Bahoz"a wî niha li Stenbolê hat çapkirin.
Çîroka roman:
Mêrgesor welatekî xweş, zengîn û bedew e. Ji aliyê “çavpan”an ve hatiye dagirkirin. Ji zilma dagirkerên hov gelê wê bêzar e. Welat  xirab û talan dikin, gund û bajaran diedimînin, daristanan dibirin, dişewitînin, lawiran qir dikin. Xiyanetê Mêrgesor hildaye, bêtifaqî bûye jehr, ketiye nava xelkê, li seranserê welêt belav bûye.
Lawê şivên Bahoz ku di nav lawirên daristanên çiya û baniyên Mêrgesorê de mezin bûye, dijî vê hovîtî û neheqiyê radibe. Bahoz di nava gelek qezî û cêribandinên pir zehmet re derbas dibe û Mêrgesorê ji dijminan rizgar dike.
Romana Bahoz ku bi cureyê çîrokên gelêrî hatiye hûnandin, çîrokeke nûdem.

Bahoz / Eskerê Boyik / Weşanên Avesta / Roman / 112 rûpel