Diyarname

Mebûsê HDP'ê yê  Stenbolê Ahmet Şik dema li meclisê qeyda xwe çêkir bersiva pirsa rojnamegeran da. Li ser pirsa "Tuyê kravatê bi stûyê xwe ve girê bidî?" wisa got: "Mixabin mecbûrî ye, lê ji bo ev yek biguhere ezê hewl bidim. Ji bo rozetê jî tenê rozetek min heye dema ez bi singê xwe ve bikim henê bibînin. Nîşaneya mebûsbûna kesekî ne ew e rozetê bi singê xwe ve bike. Bi ya min tiştê muhîm xebata ku bike ye. Bi rozetê çênabe."

Mebûsên tirk piranî rozeta ku meclisê nîşan didin bi singê xwe ve dikin. Ahmet Şik îro rozeta ku dê bi singê xwe ve bike ji tora civakî parve kir. Di rozetê de rojnameger Metin Goktepeyê ku hatibû kuştin û diya wî Fadime Goktepe heye.

Şik ligel rozet wisa nivîsî: "Rozeta min ev e: Ji bo kesên xwedî li pîşeyên xwe û heqîqetê derdikevin û rêya me ronî dikin, ligel rêzikên Edîb Cansever:

'Di dawiya hemû pirtûkên baş e

hemû roj,

hemû şevan de

destpêkek nû heye

ku bayê xwe ji te digire

nefesa wê bi te re ye.'