Diyarname
Serokê Weqfa Çand û Hunerê (ÎKSV) Şakir Eczacibaşi li Nexweşxaneya Amerîka ku ji qansêrê dihat dermankirin jiyana xwe ji dest da. Cenazeya karsaz, fotografkêş û Serokê ÎKSV'ê Eczacibaşi 26'ê mehê roja sêşemê, li Mizgefta Teşvikiye nîvro bi nimêja cenazeya nîvro re wê li Goristana Zincirlikuyu bê definkirin.

Şakir Eczacibaşi kî bû?
Şakir Eczacibaşi di sala 1929'an de li Îzmîrê hatiye dinê, piştî xwendina Koleja Robertê li Londonê Dibistana Zanîngeha Eczacîtî xwend. Piştî ku vegeriya Tirkiyeyê di sala 1953'yan de di nav weşangerên Sanat Yapragi ya rojnameya Vatanê de cih girt.

Eczacibaşi ku di sala 1955'an de beşdarî Saziya Dermanan a Eczacibaşi bû, di navbera 1956-1967'an de  kovara Tipta Yenilikler weşand ku vê kovarê li derdora zanyar, li derdora çand û hunerê gelek bal kişand.
Her wiha digel Sabahattin Eyuboglu û Pierre Biro di navbera salên 1960-1962'yan de rêzeya Fîlmên Çandî yên Eczacibaşi li dar xist. Ji van "Renk Duvari" di sala 1964'an de Xelata Fîlmên Çandî ya Konseya Ewropayê girt.

Şakir Eczacibaşi digel Onat Kutlar sala 1954'an de ji bo avakirina Komeleya Sînematek a Tirk pêşengî kir û deh salan jî serokatiya komeleyê kir.
Eczacibaşi ku sala 1970'ê de bû midûrê giştî yê Saziya Dermanan a Eczacibaşi, 1980'ê de bû Serokê Lijneya Rêveberiyê ya Koma Eczacibaşi, 1993'yan de jî bû Serokê Lijneya Rêveberiya Holdînga Eczacibaşi.

Komên basketbol, voleybol û tenîsa sermasê ku wî 1966'an de avakiribûn li Tirkiyeyê gelek caran bûn şampiyon.

Wî di salên 1960'an de yekem car dest bi eleqeya fotografan kir. Li Tirkiyeyê 15, li welatên din jî 25 pêşangehên wî yên fotografan vebûn, pirtûkên wî yên fotografan ên bi navê Anlar/Moments(1983), Turkiye Renkleri (1997), Kapilar ve Pencereler (2001), Bir Seçki: 1965–2005 (2005) hatin weşandin.

Ji sala 1968'an de "Eczacibaşi Renkli Yillar" ku fotografên gelek fotokêşên navdar têde hebûn derxist. Di van de dîmenên Portreyeke: Tirkiye, Dîmenên Stenbolê, Li Tirkiyeyê Dîmenên Mirovan, Masîgir, Mal, Rê, Kuçe, Çarşî, Bazar, Qehwexane hebûn.

72'yan de li ser daxwaza Abdi İpekçi di avakirina Milliyet Sanatê de pêşengî kir.
Şakir Eczacibaşi 1996'an de ji jiyana kar veqetiya û bû Serokê Lijneya Rêveberiyê ya Weqfa Çand û Hunerê ku di sala 1973'an de ji aliyê Dr. Nejat F. Eczacibaşi ve hatibû avakirin.

Di bin pêşengiya Eczacibaşi de ÎKSV'ê li ser çand û hunerê gelek xebat kir.

Eczacibaşi kir ku ÎKSV derbasî avahiya xwe ya nû Deniz Palas a li Şişhaneyê. Pirtûka bîranîna an Şakir Eczacibaşi dê di demeke nêz de derkeve.