Diyarname
“Hêlîn” kurtefîlmekî 14 deqîqeyî ye. Fîlm, derûniya jineke ku rastî tecawuzê hatiye nîşan dide.
Fîlmê "Hêlîn" şermeke radixe pêşkêş dike. "Hêlîn" berê li Almanya, Stenbol û Enqere hat nîşandan û dê di çarçoveya Festîvala Filmên Jinan a Fîlmmorê de van rojan li Eskişehirê, dûre jî li Dêrsim û Wanê bê nîşandayîn.
Bi salan e li Tirkiyeyê bûyerên tecawuza li hemberî jinan di rojeva parêzvanên mafê mirovan de ye. Şîdet û tecawuza li hemberî jinan bû mijara kurtefîlmekî bi navê Hêlîn. Kurtefîlma 14 deqîqeyî ji aliyê derhêner Sîbel Akkulak ve hatiye kişandin.
Derhêner Sîbel Akkulak mamosteya nîgarkêşiyê ye û di nav projeyeke ji bo zarokan de cih digire. Derhênera ciwan ji bilî van xebatan dest diavêje xebatên cuda jî. Derhêner di sala 2007’an de bi navê ‘Pêlîstoka xwe bi xwe çêke’ (Kendi Oyuncağını Kendin Yap) belgefîlmekî kişandibû û niha jî kurtefîlma bi navê ‘Hêlîn’derket pêş temaşevanan.
Fîlmê Hêlîn, li Tirkiyeyê mijara pirsgireka tecawuza li hemberî jinan vedîbêje û derûniya jineke ku rastî tecawuzê hatiye vedibêje.
Xizm û nasên derhêner ên ku rastî tecawuzê hatine nîn in lê derhêner di bin bandora tiştên ku bihîstine û xwendine de maye. Ji ber vê yekê dest bi kişandina fîlmekî wiha kiriye. Di fîlmê Hêlînê de tenê lîstikvanek dilîze û fîlm bêdiyalog e.
Hêlîn rastî tecawuzê hatiye û piştî wê bûyerê têkîliya xwe bi her kesî re qût kiriye û dixwaze li mekana ku ji xwe re afirandiye de bijî. Dixwaze di nava wê mekanê de careke din xwe biafirîne. Jin li mala xwe bi çêkirina wêneyan li ber xwe dide, lê di dawiya fîlmê de zenda xwe jê dike û xwe dixe nav wêneyê çêkirî. Temaşevan wekî xwekuştinê dinirxînê lê derhenêr dibêjê ‘Na’ û wiha berdewam dike: "Ew bi xwîn û bedana xwe wêneyê çêdike. Di dawiyê de dikeve nava wêneyê. Dibe ku ew ji wir derkeve jî. Ez biryarê ji wê re dihêlim. "
Fîlm di Festîval Tirkiye-Almanya ya li Almanyayê li dar ket de rastî rexneyên "Fîlmekî hunerî ye" hatiye. Her wiha kurtefîlm dê di çarçoveya mîhrîcana Fîlmmorê de li Eskişehir, Dêrsim û Wanê bê nîşandan.
Kunyeya fîlm:
Navê fîlmê: Hêlîn
Lîstîkvan: Hatîce Telcî
Derhenêr û senaryo: Sîbel Akkulak
Derhenêrê dîmenan: Rodî
Kurgu: Mehtap Bayer
Muzîk: Mustafa Bîber