Amed
Ji 98 şaredarên DTP'a ku hate girtin 94 ji wan bi merasîmeke li Amedê derbasî Partiya Demokrasiyê û Aşityê (BDP) bûn. Serokê Giştî ya BDP'ê Demîr Çelîk, di merasîmê de diyar kir ku pirsgirêk bi girtina DTP'ê çareser nebûn.

98 şaredarên DTP'a ku ji aliyê Dadgeha Makeqanûnê vê hate girtin, derveyî 4 şaredarên mafên wan ên siyasetê ji destên wan hate girtin, tevahiya wan bi merasîma li Salona Şanoya Şaredariya Bajarê Mezin a Amedê pêk hat, derbasî Partiya Demokrasiyê û Aşityê (BDP) bûn.
Parlementera DTP'ê ya berê a Amedê Aysel Tugluk û Şaredar Nejdet Atalay, Selîm Sadak û Ferhan Turk ku ji mafên xwe yên siyasetê bêpar hatin hiştin jî beşdarî merasîmê bûn. Şaredarê Cizîrê Aydin Budak jî ji ber xebatên xwe beşdarî merasîmê nebû. Merasîma ku çapameniyê eleqeyek mezin nîşan da de Serokê Rêxistina BDP'ê yê Amedê Mehmet Alî Aydin, destnîşan kir ku bi eybek mezin û îbret temaşeyî biryara girtina DTP'ê kirine û da zanîn ku biryara hatiye dayîn di dilê kurdan de rewa nehatiye dîtin. Aydin wiha got: "Her çiqasî DTP'ê hatibe girtin jî, di bin ala BDP'ê de em dê têkoşîna xwe bidomînin." Aydin, ji şaredaran jî xêr hatina "Navnîşana azadî û demokrasiyê" kir.

'Tirkiye mecbûrê guhertinê ye'

Serokê Giştî yê BDP'ê Demîr Çelîk, diyar kir ku daxwazên kurdan ên ji bo edalet, aştî û demokrasiyê zêde bûne û bi salane ji bo van daxwazên xwe têkoşinê dimeşîne. Çelîk, da zanîn ku li ser axa ku şer lê tê meşandin daxwaza aştiyê gelek girîng e û wiha got: "Têkoşîna tê meşandin bûye heviya rizgariyê. "Têkoşîna kurd, elewî, kedkar û hemû bindestan li hemû cîhanê belav dibe. Di vê pêvajoya ku tekoşîna bindestan bilind dibe de wekî hemû welatên cîhanê divê Tirkiye jî bê guhertin." Çelîk, xwest dest ji nerîna bi dijminantî ya welatê cîran berde û li gorî pîvanên hiqûqa cîhanê tevbigere. Çelîk, anî ziman ku bi girtina DTP'ê vîna kurdan tune hatiye hesibandin û wiha dom kir: "Bêyî kurdan pirsgirêk çareser nabe. Dîrok bi payve bi paşve nayê. Armanca hewildana çareseriyê ji aliyê kurdan ve baş hatiye famkirin. Dixwazin çareseriyek bêmuhatap çêkin. Lê bêyî kurd û vîna kurd ev pirsgirêk çareser nabe. Ji bo guhertin û demokratîkbûna Tirkiyeyê divê mecbûr makezagonê biguherin û makezagonek demokratîk û sivîl ava bikin.

Çelîk, da zanîn ku li welatekî gelek çand û ziman hebin jiyandina wan bi rêveberiyek demokratîk pêkan e. Çelîk, bal kişand ser biryara PKK'ê ya bêçalakiyê û wiha axivî. "Nexşeriya Rêberê PKK Abdullah Ocalan ji bo demokratîkbûna Tirkiyeyê firsetek mezin bû. Tirkiye hîn ev firset ji destê xwe nerevandiye. Li gel vê firseta dîrokî civaka Tirkiyeyê ji vê firsatê dûr hiştin. Brêz Ocalan ku di sala 1999'an de bi konseptek navneteweyî anîn Tirkiyeyê. Birêz Ocalan ji bo aştiyê xebitî. Lê Tirkiyeyê ev hewildan nedît û nexwest bibîne. Li şûna çareseriye pirsgirêk mezin kir. Demokratûna Tirkiye dê bi hewildana şaredaran pêkan bibe." Çelîk, bal kişand ser hatina komên aştiyê jî û da zanîn ku hatina komên aştiyê jî tehamul nekirine.

Piştî axaftinan Çelîk û mebûsa Amedê Aysel Tugluk rozetên BDP'ê bi Şaredaran ve kir. Şaredaran piştî bi hev re wêne kişandin Endamên Meclîsa Giştî yên Bejêr jî rozetên BDP'ê hilgirtin. 

Şaredarê Bajarê Mezin ê Amedê Osman Baydemîr jî anî ziman ku ew dê wekî dara berû feraseta bijî û bidin jiyandin pêş bixin. Baydemîr, da zanîn ku dê teqez aştî û aramî li ser vê axê bi ser bikeve. Baydemîr, ani ziman ku 72 milyon rozetên BDP'ê hene û ew dê van rozetan li her kesî belav bikin.

Ji DÎHA'yê hatiye girtin