NAVENDA NÛÇEYAN 

Meclisa Damezrîner a Federaliya Bakurê Sûriyê Zagona Rêvebirina Herêmên Rojava-Bakurê Sûriyê ku di sêyemîn civîna Meclisê de li ser hatiye erêkirin, ragihand.

Li gorî zagonê Rojava-Bakurê Sûriyeyê dibe sê herêm: Herêma Cizîrê ji Kantonên Qamişlo û Hesekê pêk tê, Herêma Firatê ji Kantonên Kobanê û Girê Spî pêk tê û Herêma Efrînê ji Kantonên Efrîn û Şahbayê pêk tê.

Zagona rêvebirina herêman wiha ye:

Li ser bingeha prensîba demokrasiyê û rûniştandina sîstema Rêveberiya Xweser, wê herêm ji hev bêne cudakirin, da brokrasiya ku sîstema navenda ji holê were rakirin. Bi vî rengî dê rêveberiya her herêmekê di milên xizmetguzarî, aborî û hamû milên jiyanî de berpirsiyar be, planên xwe yên dema pêş deyne pêşiya xwe û civaka xwe pêş bixe.

Beşa yekem

Pênase

Madeya /1/:

Zagon: Zagona rêvebirina herêmên Federaliya Bakurê Sûriyê.

Herêmên rêvebirinê: Gund, navçe, bajarok, herêm, Kanton û herêm.

Mezra: Herêmeke ku hejmara şêniyên wê 100 kesin.

Gund: Herêmeke ku hejmara şêniyên wê di navbera 101- 5 hezar kes de ye.

Bajarok: Herêmeke ku hejmara şêniyên wê di navbera 5 hezar û 10 hezar de ye û girêdayî navenda herêmê ye.

Navçe: Herêmeke ku hejmara şêniyên wê 15 hezar kes e û divê girêdayî bajar an bajarokê be.

Bajar: Herêmeke ku hejmara şêniyên wê zêdeyî 25 hezar kes be.

Tax: Parçeyek ji bajar an bajarokê ye, hejmara şêniyên wê li bajar 5 hezar kes e û li bajarokê 2 hezar kes e.

Herêm: parçeyek ji Kantonê ye, hejmara şêniyên wê 500 hezar kes e. Divê girêdayî bajar an bajarokê be.

Kanton: Kombûna bajar û gundewaran e. Kanton dikare ji herêmeke yan çend herêman pêk were. Divê navenda wê bajar be.

Herêma Federal: Ji Kantoneke yan zêdeyî Kantonekê pêk tê. Her wiha dikeve gelek herêmên ku di milên dîrokî, demografî, aborî û çandî de nêzî hev in bigire nav xwe.

Beşa duyem

Madeya /2/

Federaliya Bakurê Sûriyê ji gund, bajarok, navçe, herêm, Kantonan″ pêk tê.

Madeya /3/

Kanton ji herêman pêk tê, herêm ji navçeyan pêk tê, bajar û bajarok jî taxan pêk tên.

Madeya /4/

Nav, navend û sînorên mezra, gund, bajarok û navçeyan di çarçoveya pêşniyara Desteya Rêveber a Kantonê de, li gorî biryara Meclisa Kantonê têne guhertin.

Madeya /5/

Nav, navend û sînorên herêman ji aliyê Meclisa Gelan a Herêmên Federal têne guhertin û ji aliyê Kongreya Demokratîk a Gelan ve têne erêkirin.

Madeya /6/

Nav, navend û sînorên Kantonan ji aliyê Meclisa Demokratîk a Gelan ve têne guhertin û ji aliyê Kongreya Demokratîk a Gelan ve têne erêkirin.

Madeya /7/

Nav, navend û sînorên herêmên Federal li gorî zagona Kongreya Demokratîk a Gelan, têne guhertin.

Beşa sêyem

Madeya /8/

Federaliya Bakurê Sûriyê ji herêmên (Cizîrê, Firat û Efrînê) pêk tê.

Herêma Cizîrê ji Kantonên Hesekê û Qamişlo pêk tê.

Kantona Hesekê: Ji herêmên Hesekê, Dirbêsiyê, Serêkaniyê û Til Temirê, pêk tê.

1.Herêma Hesekê: Ji navenda bajarê Hesekê, her wiha bajarok, gund û mezrayên girêdayî navenda bajêr, her wiha navçeyên Şedadê, Erîşê û Holê pêk tê.

2.Herêma Serêkaniyê: Ji navenda bajar, gund, bajarok û mezrayên girêdayî wê û navçeya Zirganê pêk tê.

3.Herêma Dirbêsiyê: Ji navenda bajar, gund, bajarok û mezrayên girêdayî wê, pêk tê.

4.Herêma Til Temirê: li navenda bajar û gundên Xabûrê, pêk tê.

Kantona Qamişlo: Ji herêmên Qamişlo û Dêrikê pêk tê.

1.Herêma Qamişlo: Ji navenda bajar, gund, bajarok û mezrayên girêdayî wê û navçeyên Amûdê, Tirbespiyê, Til Hemîsê, Til Berek pêk tê.

2.Herêma Dêrikê: Ji navenda bajar, gund, bajarok û mezrayên girêdayî wê û navçeyên Girkê Legê, Til Koçer û Çilaxa pêk tê.

Herêma Firatê: Ji Kantonên Girê Spî û Kobanî pêk tê.

Kantona Kobanî: Ji herêmên Kobanê û Sirînê pêk tê.

1.Herêma Kobanê: ji navenda bajar, gund, bajarok û mezrayên girêdayî wê, her wiha navçeyên Şêrwan û Qenaya pêk tê.

2.Herêma Sirînê: Ji navenda bajar, gund, bajarok û mezrayên girêdayî wî û navçeya Çelebiyê pêk tê.

Kantona Girê Spî: Ji herêma Girê Spî, gund, bajarok û mezrayên girêdayî wê, her wiha navçeyên Eyn Îsa û Silûkê pêk tê.

Herêma Efrînê: Ji Kantonên Efrîn û Şahbayê pêk tê.

Kantona Efrînê: Ji herêmên Efrîn, Cindirêsê û Raco pêk tê.

1.Herêma Efrînê: Ji navenda bajar, gund, bajarok û mezrayên girêdayî wê û navçeyên Şêrawa, Mabeta, Şera, Meydankê pêk tê.

2.Herêma Cindirêsê: Ji navenda bajar, gund, bajarok û mezrayên girêdayî wê û navçeya Şiyê pêk tê.

3.Herêma Raco: Ji navenda bajar, gund, bajarok û mezrayên girêdayî wê û navçeyên Bilbilê, Meydankê, Behdîna pêk tê.

Kantona Şahbayê: Ji herêma Til Rifet û sê navçeyan pêk tê.

1.Herêma Til Rifet: Ji navenda bajar, gund, bajarok û mezrayên girêdayî wê û navçeyên Ehrez, Fafîn û Kefer Naya pêk tê.

Madeya /9/

Ev biryar ji dîroka erêkirina Meclisa Damezrîner a Federaliya Bakurê Sûriyê de, dikeve piratîkê.

Ji ANHA'yê hatiye girtin