Diyarname

Di şevek de 2 hunermendên kurd, 2 navên girîng, 2 konserên cuda didin û her du jî êvara 28’ê gulanê li Stenbolê ne. Em qala hunermend Aynur Dogan û Delîl Dîlanar dikin.

AYNUR DOGAN LI HARBIYEYÊ YE

Hunermend Aynur Dogan ev demek e dest bi tûrneyê kiriye, li hin bajaran derket ser dikê lê li Daricaya Kocaeliyê konsera wê hat qedexekirin. Niha ew dê li Stenbolê derkeve pêşberî hunerhezan.

Aynur Dogan di nav muzîka kurdî de xwedî dengek girîng e û li dinyayê tê nasîn. Wê par Xelata Hunerê ya 2021’ê ya Fûara Muzîkê ya Dinyayê ya Navneteweyî girt. Niha ew di rêzekonserên xwe de dê li Harbiyeya Stenbolê derkeve ser dikê. Konser 28’ê gulanê saet 21.00’an de ye

DELÎL DÎLANAR LI BOSTANCI YE

Hunermend Delîl Dîlanar piştî 27 salan li Tirkiyeyê konserê dide.  Dîlanar vê mehê di çarçoveya vê tûrneyê de bi rêzê pêşî li Amedê, Mêrdînê, Rihayê konserên xwe pêşkêş kirine û niha jî tê Stenbolê.

Dîlanar ligel stranên xwe, klaman jî bi versiyona modern, bi bingeha muzîkek xurt pêşkêş dike û ew bi vê şêwaza xwe li nav kurdan navdar bûye, nav û dengê wî belav bûye. Ligel gotinê, li tembûr û meyê jî dide û coşek cihereng dide temaşevanan. Dîlanar êvara 28”ê gulanê  saet 20.00’an de li Bostancı Gosterî Merkezî ye.
Ji bo têkilî:

0543 634 40 02 
guvencilkay@gmail.com