Diyarname

Şaredariya Bajarê Mezin a Amedê bi navê Navenda Çand û Hunera Ciwanan a Cegerxwîn di sala 2010'an de navendek vekiribû. Piştî ku hikumeta Tirkiyeyê bi kayyûmê dest danî ser şaredarî, kayyûmê yek bi yek dest avêt xebatên şaredarî û ew desteser kirin. Niha jî kayyûmê ku ev navend desteser kiribû navê Cegerxwîn ji navendê kir.

Kayyûmê tabelaya ku navê Cegexwîr lê bû rakir û tê gotin ku tayyûm dixwaze navê "Navenda Çanda Milet a 15 Tîrmehê" lê bike.

Qeymeqamê Kayapinara Amedê ku wekî kayyûm jî hatiye peywirdarkirin berî vê, navê "Kompleksa Werzîşê ya Amedê" guhatibû û kiribû "Kompleksa SPorê ya Şehîr Polîs Halit Gulser". Kayyûmê "Zarokistana Xalxalokan" ku têde bi kurdî ders didan zarokan jî girtibû û 14 mamoste, 2 rêveber û 2 xebatkarên kîlerê ji kar girtibû.

Kayyûmê nave "TC" li navendê kir
Kayyûmê ku çend roj berê navê Cegerxwîn ji navendê kiribû, li ser bertekan dîsa lê kir lê vê carê gotina "TC" (Komara Tirkiyeyê) jî li navendê kir. Şiklê berê ya dema Şaredariya DBP'ê de bi gotina "Şaredariya Kayapinar" dest pê dikir, niha wisa dest pê kirin: "T.C. Şaredariya Kayapinarê..." (Not: Ev paragraf piştî ev nûçe hat weşandin bi çend rojan ku ev nûbûn çêbû lê hatiye zêdekirin)

**

Nûçeyên eleqedar:

- Vê carê 'Dêrsim' daxistin 'Tuncelî' daliqandin 

- Peykerê Ugur Kaymaz jî rakirin!

- Kayyûmê vê carê navê Beşîkçî guhart

- Kayyûmê tehamulê navê Tahir Elçî nekir

- Kayyûmê pirtûkxaneya ji otobusê jî girt! 

- Peykerê Orhan Dogan jî rakirin

- Peykerê Roboskî xira kirin

- Şaredarî çû, rengî jî çûn