Diyarname
Serokê Tevgera Goran Newşirvan Mistefa wefat kır. Televîzyona NRT'ê ragihand ku Mistefa vê sibê saat 8'an de wefat kiriye. 

Mistefa 8 meh berê ji bo dermankirinê çûbû Îngilistanê û çend roj berê vegeriyabû herêma Kurdistanê. Mistefa vê sibê wefat kir.

Mistefa kî ye?

Serokê Tevgera Goran Newşirvan Mistefa di sala 1944'an de li Serşeqem a li ser bajarê Silêmanî hatiye dinê. Wî di sala 1967'an de li Zanîngeha Bexdayê Beşa Zanistên Siyasî xwendiye. Piştî xwendinê beşdarî karên siyasî bû, Başûr bi salan pêşmergetî kir. Ew piştî Serokê YNK'ê Celal Talabanî yek ji mezinên YNK'ê bû. Bi salan di nav Polîtburoya YNK'ê de cih gir. Paşê di sala 2007'an de ligel hin hevalên xwe ji YNK'ê veqetiya û Tevgera Goran ava kir. Di hilbijartinan de serketinek baş bi dest xist ku di hilbijartina 2009'an de (yekem car beşdarî hilbijartinê bû) ji 111 kursiyên Parlemena Başûr tevgera wî bû xwedî 25 kursiyan. Goran bi vê partiya duyemîn. Lê bi giştî wekî partiya sêyemîn a mezin li Başûr dihat nasîn. Yek ji serketina mezin a Goranê ew bû ku li bajarê Silêmanî bûbû yekemîn partî û ew der bi dest xistibû.

Mistefa ji bilî siyasetê karê rojnamegerî û nivîskarî jî kiribû û gelek pirtûkên wî yên ku hatine weşandin jî hene.

Mistefa ligel kurdî û erebî bi îngilîzî jî dizanî. Sê zarokên wî (du kur, keçikek) hene.

 **

Hin nivîsên eleqedar:

- Hin gotinên Newşîrvan Mistefa 

- Hemû partî li aliyekî, PDK li aliyekî…

- Mistefa ji ENKS`ê xwest piştgiriya destkeftiyên Rojava bike

- Nêşîrwan Mistefa Rêveberiyên Rojava silav kir

-