Cemil Oguz

Festîvala Fîlmên Serbixwe '!F İstanbul' ku Îsal 16'emîn car deriyên xwe ji bo sînemahezan vekir gelek fîlmên cur bi cur pêşkêş dike. Di nav fîlman de hin fîlmên bi kurdî jî hene.

"!F İstanbul" fîlmên serbixwe bêyî sansur nîşan dide. 16 sal in her sal ji gelek welatan fîlmên hilbijêr radigihîne temaşevananên xwe. Îsal jî gelek fîlmên metrajdirêj, kurtefîlm û belgefîlman pêşkêşî sînemahezan dike. Ji bilî fîlman xebatên atolyeyê, gotûbêj, muzîk û çalakiyên cur bi cur jî di nav festîvalê de hene. 

Di festîvalê de ji fîlmê Reha Erdem (Koca Dunya) heta fîlmê Ang Lee (Meşa Dirêj a Billy Lynn) heta yê Reza Dormishian (Lantouri), Rebecca Zlotowski (Planetarium) fîlmên gelek derhêneran hene. Rojnameger Pinar Ogunç ku ji rojnameya Radikalê bi nûçeyên xwe tê nasîn vê carê bi kurtefîlmekî bi navê "Evbark" derdikeve pêşberî temaşevanan.

Di nav van de çend fîlmên bi kurdî jî hene. Fîlmê derhênerê kurd Ali Kemal Çinar ê bi navê "Gênco" wekî fîlmekî metrajdirêj tê nîşandayîn û her wiha çend kurtefîlmên bi kurdî jî di nav festîvalê de ne. Me ew ji bo we neqandin:

GÊNCO / Derhêner: Alî Kemal Çinar

Ali Kemal hê 5 saliye, ji dinyayên din hinên tên hêzek xurt didin wî. Lê ev hêz bi sînor e. Bi vê hêzê wekî lehengek super alîkariya mirovan dike lê ji bo nasnameya xwe veşêre navê Gênco li xwe dike, kostumek wekî 'Super Man' li xwe dike. "Gênco" wekî super menekî kurd dê alîkariya mirovan bike...

17'ê mehê (saet 13.00), 25'ê mehê (saet 16'an de) li Cinemaximum City's Nîşandaşi tê nîşandayîn.

ZELAL / Derhêner: Filiz Işik Bulut

Zelal ligel kurê xwe Îbo dijî. Mêrê wê tune. Ji mala xwe dernakeve. ROjek hevala wê Seher dixwaze ji dêvla wê ew here kar. Cihê ku Zelal diçe rastî hîsek ku ji bîr kiriye tê. Ev kurtefîlm di nav kurtefîlmên "Burasi/Otesî" de tê nîşandayîn.

17'mêhê (saet 16, Cinemaximum City Nişantaşi) û 23'yê mehê (saet 13, li Cinemaximum Kanyon), 26'ê mehê (li kargART, saet 17.30) tê nîşandayîn.

DIYARÎYEK / Derhêner: Muhammed Seyîd Yildiz

Rojekê keçikek biçûk ji bo mêvanên xwe diyarî bigire dikeve rê... Fîlmê Muhammed Seyîd Yildiz di nav kurtefîlmên "Aslanlar ve Ceylanlar" de tê nîşandayîn.

16'ê mehê (saet 16, li Cinemaximum City's Nişantaşi), 22'yê mehê (saet 16, li Cinemaximum Kanyon) û 26'ê mehê (saet 14.15 li kargART) tê nîşandayîn.

HEVRÊK / Dêrhêner: Rûken Tekeş

Li Mezopotamyayê ji etnîk, ziman û olên cuda zarok ligel hev diçin dibistanê. Zelal keçikek êzîdî ya 7 salî ye. Di rojek ji rêzê di dersa tirkî de mamoste peyva hefteyê wekî "O" diyar dike. Hevalên Zelalê yên li polê dê wê tîpê bi awayekî ne li bendê ne bikar bînin. Ev kurtefîlm di nav kurtefîlmên "Aslanlar ve Ceylanlar" de tê nîşandayîn.

16'ê mehê (saet 16, li Cinemaximum City's Nişantaşi), 22'yê mehê (saet 16, li Cinemaximum Kanyon) û 26'ê mehê (saet 14.15 li kargART) tê nîşandayîn.

**

Nûçeyên eleqedar:

- Di '!F İstanbul' de sohbetên ligel derhêneran 

- Bi telefonê destan mirov çawa dikare belgefîlm bikişîne?