ÊLIH
Hevserokê KCD'ê Ahmet Turk li ser êrîşa li dijî wî pêk hat axivî: "Polîsek ê bi cilên fermî nêzî min bû û derb li min da. Kurd bi siyaseta zilmê û şîdetê nayên bêdengkirin."
Hevserokê KCD'ê Ahmet Turk di pîrozbahiyên Newrozê yên Êlihê de rastî êrîşa polîsekî. Di êrîşê de li dor çavê Turk ê çepê û rûyê wî mor bû. Turk li Nexweşxaneya Dunyayê têkildarî êrîşê ji bo gel û çapemeniyê axivî. Turk, diyar kir ku rewşa wî baş e û wiha dom kir: "Ez baş im, min meraq nekin. Ji xwe tu kes li cem min nebû. Berê bi keviran hemû camên otobusê şikandin û pişt re bombeyên gazê avêtin otobusê. Ji ber gazê ez derketim derve. Polîsekî bi cilên fermî nêzî min bû û pişt re ez kulman. Li wir tu kes li cem min tune bû. Tenê di otobusê de 4-5 kes hebûn. Ez niha baş im. Niha hê siyaseta zilmê, tepisandin û bêdengiyê berdewam dikin. Niha dibêjin dê kurdan bi vê siyasetê bêdeng bikin. Ev rê ne tu rê ye, ev rê ne riya aqil e. Em her tim dibêjin ev pirsgirêk dê bi diyalogê bê çareserkirin. Bi terorê û şîdetê ev gel nayê bêdengkirin."
Li aliyê din di êrîşa Turk de Parlementera Parlementoya Ewropayê ya berê Feleknaz Uca jî ji ber gazê jerhî bû. Hate gotin ku Uca dermankirin qebûl nekir û li benda daxuyaniya Hevserokê Giştî yê BDP'ê Selahattîn Demîrtaş e.
***
Nûçeyên eleqedar:
- Ahmet Turk rakirin nexweşxaneyê
- AGIRÊ NEWROZÊ KENGÎ BIXWAZE WÊ GAVÊ PÊDIKEVE
- Axaftina Demirtaş, Baydemir, Turk û Tugluk
- KAOSGL ji bo Newrozê bi kurdî weşan kir
- Di Newroza Stenbolê de BDP'yiyek hat kuştin
- Bernameya BDP’ê ya Newrozê eşkere bû
- Agahiyên dawî yên li ser Newrozê
- BDP: Em ê Newroza Stenbolê di 18’ê mehê de pîroz bikin
- Demirtaş: Emê walîtiyê ji holê rakin
- Ji bo BDP'ê qedexe, ji bo Walî serbest e!
- Ev afîşa Newrozê hat qedexekirin
- Di Newrozê de 4 daxwazên bingehîn ên kurdan
- Vaye bernameya Newroza 2012'yan