Diyarname

Hevşaredarê Bajarê Mezin ê Mêrdinê Ahmet Turk ku ji aliyê hikumeta Tirkiyeyê ve ji kar hat girtin û hat tewqîfkirin ji ber nexweşiya wî bi biryara tiba edlî hat berdan. Turk piştî derket gotina xwe ya pêşî got: "Ez hatim berdan lê ez ne kêfxweş im. Hevalên me yên mebûs, hevserokê partiya me, şaredarên me, bi taybetî veqetîna ji Firat Anli ku em li heman menzelê bûn ne hêsan e. Ez hêvî dikim li welat dê aqilek hevpar derkeve holê. Li vî welatî divê aqilê hevpar kar bike. Fikra min ew e ku serdem tam serdema mirov pirsgirêkan bi aqilê hevpar çareser bikin. Di dawiyê de ji bilî aştiyê ez tu formulek din nafikirim."

Li ser pirsa rojnameger ya li ser tenduristiya wî, wisa got; "Pirsgirêkên min ên tenduristiyê hebûn, tewqîfkirina me ne hiqûqî bû. Ez hêvî dikim dê edalet bibe serdes û hemû hevalên me bêne berdan."