ENQERE 

Sira TIR'ên li Edeneyê hatibûn rawestandin derket holê. Di TIR'an de gelek çek û cebirxane hebû, bi gotina ajokaran, ev çek ji DAIŞ û El Qaîdeyê re dihatin şandin. Ev yek heta niha her hatibû nîqaşkirin lê niha Cîgirê Serokê Giştî yê CHP'ê Bulent Tezcan belge pêşkêş kirin û got: "Di TIR'a yekemîn de sindoqek vekirine û tê de 25-30 fuze û roket hebûne. Dîsa di 15 sindoqen de 300-400 bombe hebûn." 

Cîgirê Serokê Giştî yê CHP'ê Bulent Tezcan di civîna çapemeniyê ya li meclisê li dar xist de li ser tiştên di TIR'ên li Edeneyê hatibûn rewastandin bi dest xistibûn eşkera kir. Tezcan got ku bi belgeyê derketiye holê ku bi van TIR'an çek ji bo El Qaîdeyê dihatin şandin. Tezcan wiha got: "Di girtekan de hemû tişt zelal e. Di TIR'a yekemîn de sindoqek vekirine û tê de 25-30 fuze û roket hebûne. Dîsa di 15 sindoqen de 300-400 bombe hebûn. Di TIR'ên din de nêzî 90-100 guleyên topan hene. Dîsa havan û guleyên wê hene. Di TIR'ên din de jî gelen çek û cebirxane hatiye dîtin."

Tezcan, destnîşan kir ku ev cebirxaneya leşkerî li Balafirgeha Esenbogayê hatiye barkirin û ew ji bo radestî DAIŞ'ê bikin, ber bi Suriyeyê ve hatine birêkirin. Ajokar dibêjin ku wê kamyon li ser sînor radestî endamên MÎT'ê kiribana.