Diyarname

Di Kûpaya Zîraatê ya Tirkiyeyê de îro maçên bajarên kurdan hene ku di nav wan de Cîzre Spor û Hakkarî Spor heye. Cîzre ku bi mehan ji ber qedexeya derketina kuçeyan û pevçûnên li nav bajêr êşek mezin kişand îro ji bo fûtbolê mazûvanî dike.

Maça di navbera her du tîman de saet 14.30 de li Stada Navçeyê ya Cizîrê dê bê lîstin.

Serokê Klûba Cîzresporê Salih Sevinç ragihandiye ku ji maça Cîzre Spor û Hakkarî spor çi pere bê bi dest xistin dê ji bo alîkariya malbatên li Şirnexê bişînin Şirnexê. Sevînç bal kişandiye ser malbatên li Şirnexê di konan de dijîn û gotiye: "Cîzre spor salek e ji temaşevanên xwe dûr e. Piştî salek klûba Cîzresporê derdikeve pêşberî temaşevanên xwe. Di dema ku em vê dijîn de wekî hûn dizanin 6 meh in em rastî gelek bûyeran hatin. Herî zêde malbatên Şirnexê ketin bin bandora vê. Me pêvajoyek şer a xirab derbas kir. Mixabin hê li Şirnexê derketina kuçeyan didome û malbat li konan dijîn. Em jî ji bo balê bikişînin ser vê û tiştên ji Maça Cîzrespor û Hakkarî spor bê bi dest xistin emê ji bo malbatên Şirnexê bişînin."