Osman BEKLEYEN / Wan
Di lêkolîna ku li aliyê bakurê Keleha Wanê hatin kirin de mohrek dîroka wê digihîje 2700 salan hate dîtin.
Endamên Beşa Arkeolojî ya Fakulteya Fen Edebiyat a Zanîngeha Stenbolê li aliyê bakurê Keleha Wanê xebatên xwe yên lêkolandinê didomînin. Komek ji 35 kesî pêk hatî xebatê dike. Di vê lêkolîna ku li cihên esilzadeyên ûrartûyî lê dijiyan tê kirin de mohrek aîdê 2 hezar û 700 sal berê hate dîtin.
Serokê Komê endamê Beşa Arkeolojî ya Fakulteya Fen Edebiyat a Zanîngeha Stenbolê Alîkarê Doç. Dr. Erkan Konyar got ku mohra ku hatiye dîtin ronahiyê dixe ser jiyana ûrartûyên ku li vir jiyan ne. Konyar wisa got: "Yekem car ciheke ku Ûrartû lê jiyane lêkolîndan tê kirin. Di yekemîn tiştên me dîtin de yên li vir jiyane bi ticaretê re eleqedar bûne û me çespand ku asta wan a sosyoekomonî bilind bûye. li vê derê ne tenê lêkolandina arkeolojîk, wê şebatên antropolojîk, jeofîzîk û cografîk jî bêne kirin."
Wan ku paytexta Ûrartûyan bû endamên Zanîngehên Stenbol û Marmarayê lêkolandinên arkeolojîk dikin. Li 500 metrekareyî ya li aliyê bakurê Keleha Wanê ev xebat didome. Di xebatê de mohra aîdê 2700 sal berê ku esilzadeyên Ûrartûyan di ticaretê de bikar dianîn hate dîtin. Li gor agahiyên bi dest xistine ev mohr bi stûyê xwe ve dikirin û wisa bi xwe re digerandin. Li ser mohrê fîgurê ejderha ku ji devê wî agir difûre dixuye. Serokê koma lêkolandinê Konyar got ku li derveyî çolterê, li herêma Gola Wanê yekem car li ser bajarê Ûrartû lêkolîn tê kirin.
Konyar dibêje ku esilzadeyên ûrartûyî bi bazarê re eleqedar bûne û ev yek lê zêde kir: "Ji aliyê têkiliya bi paytextê, bi mîmariya wir, sosyoekonomiya wir ve û ji aliyê arkeolojiya Ûrartû re ev kolandin gelek girîng e. Tebeqeyeke ku ji sê hezar sal berê ve maye heye. Bi vê wê sosyoekonomiya Wanê, xuyên xwe têrkirin, xebatên ticaretê, bilind bûn an daketina asta ava Gola Wanê wê bêne dîtin. Enstîtuya Tiba Edlî ya Zanîngeha Stenbolê li ser antropolojî, zanyarên Beşa Erdnîgarî ya Fakulteya Fen Edebiyat a Zanîngeha Stenbolê jî li qeraxê xebata xwe didomînin.
Ji rojnameya Radîkalê (DHA) hatiye girtin.
Têbiliya Diyarnameyê: Ji aliyê gelek dîrokzanan ve hatiye gotin ku Ûrartû kalên kurdan in û paytexa Ûrartû jî Wana niha ye.