...Her tê nûkirin...

03.30: Rojnameger Murat Çiftçi (Ji bo Med Nûçeyê axivî): 
Li Karkamişê qedexeya derketina kuçeyan îro hatiye dayîn, lê çeteyên DAIŞ'ê rehet digerin.
Tê gotin ku erebeyek anîne wir û teqandine.
Serdar Serhat (Şahidêkî, ji bo Med Nûçeyê axivî): Çawa me teqîn bûhîst em çûn, her tişt bela wela bûbû. Ambulans dereng hatin, yên hatin jî têr nekirin. 
Li ber nexweşxaneyê faşîst hatibûn tekbîr diavêtin, diruşm diavêtin, yên bûyer teqiyan li dijî wan derketin.
Niha her kes ditirse.

02.20: Yildirim ê HDP'yî: 60 şehîdên me hene
Cîgerê Hevserokên HDP'ê Nadir Yildirim: Walîtî dibê 27 lê şaş e, li gor agahiyên me ji herêmê girtin li dor 60'î şehîdên me hene.
Daweta hemwelatiyên me yên ji Perwarî bû. Li Navenda me ya Giştî Qeyrana Maseyê hatiye çêkirin, li Entabê jî. Avahiya me ya li Entabê li Încîrlîpinar Mah. Gel dikarin xwe bigihînin wir jî. Osman Demirci 0532 367 44 71, Mehmet Karayilan 0533 221 38 50, Hasan Erbil: 0505 777 29 62. Bi van nimareyan gelê me dikare agahiyên rast bigire.

01.42
Endamê MP'ya HDP'ê Osman Denîzlî: 27 şehîdên me hene, 97 birîndarên me hene. Ji birîndaran li dor 20 kesan girtine emeliyetê.
HDP û DBP'ê maseya qeyranê ava kirin. Li ber avahiya Şahînbeya DBP'ê erebeya xwîngirtinê hatiye amadekirin, gel diçe xwînê dide. 
Niha HDP ji her nexweşxaneyê agahiyan digire. HDP dixwaze agahî bila ji maseya qeyranê ya wan bê girtin.

00.40:
Hevserokê HDP'ya Entabê Erkan Şahin: Qala 25 miriyan tê kirin. 

01.35:  HDP: Êrîş li hemberî endamên me hatiye kirin
HDP'ê bi daxuyaniyeke nivîskî diyar kir ku li Taxa Akdere ya Şahînbeya Entabê êrîşa terorê li hemberî daweta endamên me hatiye kirin, zarok, jin gelek hemwelatiyên me jiyana xwe ji dest dane. Êşa me mezin e, em vê bûyerê û zihniyeta li pişt vê bûyerê şermezad dikin. 
Her wiha di daxuyaniyê de hat gotin ku Hevsero û mebûsên HDP'ê wekî heyetek ketine rê herin Entabê.

01.30: RTUK'ê li ser bûyerê qedexeya nûçeyan anî
Lijneya Bilind a Radyo û Televîzyonê (RTUK) ya Tirkiyeyê wekî gelek bûyerên bi vî rengî qedexe danî ser nûçeyê. RTUK her wisa dike, loma jî çapameniya muxalîf dîsa nûçeyan çêdike lê çapemeniya serdest piştî biryarên wisa nûçeyan dide rawestandin. 

01.25:
Endamê Meclisa Partiyê yê HDP'ê Mehmet Karayilan li cihê bûyerê ye, rêveberên navendî yên HDP'ê jî ji bo herin Entabê ketin rê.
Cihê bûyer lê teqiyaye sedî 80-90 kurd lê dijîn. Ji Şirnex, Sêrt, heta Amedê ji gelek bajarên kurdan kurd hatine wir.
Ev ne teqîn, ne bûyer e, komkujî ye: Zarok jî di nav de gelek kurd hatine kuştin.

01.20: Şahida Bûyerê: Li cihê bûyerê wehşet hebû
Eylem Bagriyanik (Şahidek bûyerê ji bo Med Nûçe axivî): Mala me nêzî bûyerê ye, em jî çûn ka kesek ji me heye yan na, me wehşet dît, ling, serên qetiyayî.
Ambulans di dema xwe de nehatin, pêşî gel hat. Gel bi îmkanên xwe birîndar rakirin, rê girtî bû, gel bi xwe erebe rakirin. Ambûlans 20-30 deqe paşê hat. Polîs hê jî nehatibûn.
Şîn, feryad hebû, wehşet hebû.

01.00:
Li aliyeke komkujî çêbûye, li aliyê din komek ji çeteyan li kuçeyan tekbîr avêtine û êrîş kirine. Polîsan xwest vê çeteyê belav bike lê hê rewş li Entabê tevlihev e.
Li aliyê din birîndar birine nexweşxaneyên Duztepe Yaşam, Nexweşxaneya Dewletê 25 Aralik, Şehit Kamil û Yaşam Hastanesî. Tê gotin ku pêdivî bi gelek xwînê heye.

00.45: HDP'ê gera xwe betal kir
Heyeta HDP'ê di bin serokatiya Demîrtaş de îşev dê biçûya Başûrê Afrîkayê û hefteyek dê hin hevdîtin çêbikira ji ber komkujiya li Entabê gera xwe betal kir. 

00.30: Endamê MP'ya HDP'ê: 50-60 kes mirine
Endamê Meclisa Partiyê yê HDP'ê Mehmet Karayilan ji cihê bûyerê ragihand ku li dor 50-60 kesî jiyana xwe ji dest daye.

00.10: Mebûsê AKP'ê Tayyar: Bûyer dişibe ya DAIŞ'ê
Mebûsê AKP'ê yê Entabê Şamil Tayyar bi telefonê beşdarî kanalek televîzyonê bû û got ku li gor agahiyên pêşî DAIŞ ev kiriye. Tayyar got ku bi ser 100'î re birîndar hene, yên ku birîna wan giran e hene.

00.00: Reuters: 8 kes mirine
Çeteyên DAIŞ'ê êrîşê daweta kurdan kir. 
Reuters dibêje 8 kes mirine û 60 birîndar hene.

23.55:
Waliyê Entabê Alî Yerlîkaya: Li dawetek li Taxa Akdere ya Şahînbeyê çêbûye. Gelek ambulans û xebatkarên tenduristiyê çûn cihê bûyerê.

23.00:
Li Şahînbeya Entabê di dawetek de bombe teqandin (Saet li dor 22.45-50); gelek birîndar û mirî hene. Hinek dibêjin 15 kes mirine, bi sedan birîndar hene. Gelek ambulans çûne cem bûyerê.
Tê gotin ku dawet ê Sêrtiyan e û dîsa tê gotin ku yekî ji çeteyên DAIŞ'ê bombeya ser xwe teqandiye.
Taxa Şahînbeya Entabê piraniya wê kurd in. Lê tê gotin ku çeteyên DAIŞ'ê jî gelek hucreyên wê li taxê hene.