Diyarname
Vîrusê Korona bandorê xo serê her beşê sporî de mocnena ra. Hetêke ro UEFA, heto bîn ro Olîmpiyatî ser biryar hamey girotişî.
UEFA'yê maçî betal kerdî
UEFA maçê Lîge Şampiyonan û Lîgê Ewropa betal kerdîbî, la ewro biryar da maçê wirdî lîgan heta wêxto bêwext hamey betalkerdişî.
Komêke di binê serokatî Serokê UEFA Aleksander Ceferin de hamî viraştişî, a kome dimara go bêro pêhet û biryar bido ke ka kînga eşkena maçan bidê kaykerdişî.
Gorey plane ra maçey fînalî ya Lîga Şampiyonan a UEFA gere 30'ê gulanî de Stenbolê, maçey fînalî ya Lîga Ewropa jî gere 24'ê gulanî Viola Park a Avusturya bihameyne kaykerdişî, la betal bî.
Olîmpiyat jî yeno betalkerdişî
Heto bîn ro endamê Komîteyê Hedrekerdiyê Olîmpiyanê Miyanneteweyî Dick Pound eşker kerd ke semedê vîrusê korona Kayê Olîmpiyatê Tokyo yê 2020 go bêrê betalkerdişî.
Poundî qeybî çapemenî DYA xeberî dawo û vato ke sedemê vîrusî ê go 2021 de kayanê olîmyatî virazê.
Gorey bernamî de Olîmpiyatê 2020'inan gere miyanê 24'ê temmûzî û 9'ê gelawêjî de Tokyo de viraziyayne.
EURO 2020 jî betal bîbî
UEFA tûrnûvaya fûtbolî Euro 2020 jî demêke verî betal kerd bî û vat bî ke go 2021'yinan de ene tûrnûva virazê.