Diyarname

Ev jî çêbû: Ji ber "Mistehcenî" pirtûk dê bêne poşetkirin, bi gotineke din bi awayekî veşarî dê bêne firotin.

Bersiva çawa tiştek wisa dibe tune ye. Lê li Tirkiyeyê ev biryar heye. Wezareta Malbat û Xizmeta Civakî ya Tirkiyeyê pêşî li ser pirtûka nivîskar Ahmet Umît biryar da. Pirtûka Umit "Başkomser Nevzat Tapinak Fahişeleri" wekî mustehcen hat nirxandin. Wezaretê biryar da ku ev pirtûk divê di nav poşetê de bi awayekî veşarî bê firotin.

Wezaretê wisa got, "Hin vegotin teswîr û dîtbariyên di pirtûkê de ji bo kesên bin temenê 18'an ne guncan e, dikare bandorê mûzir û mustehcen li wan bike." Bi vî awayî biryar dan ku vê pirtûkê bixin poşetên qalind û bi vî awayî bifroşin.

Bi ser vê pirtûkê re çend roj derbas nebûn, niha jî biryar hat dayîn ku pirtûka Jeanette Winterson ku bi navê "Vişnenin Cinsiyeti" li tirkî hatiye wergerandin bi heman awayî bê firotin. Wezaretê heman gotin ji bo vê pirtûkê jî gotiye. Pirtûka Winterson ji aliyê Pinar Kur ve ji bo tirkî hatibû wergeranrin." 

Dîroka weşandina van pirtûkan

Pirtûka Ahmet Umît "Başkomser Nevzat Tapinak Fahişeleri" yekem car di sala 2005'an de hat çapkirin. Ji wê demê ve heta niha sansurek wisa li ser tune bû.

Pirtûka Jeanette Winterson “Sexing the Cherry” ji aliyê Pinar Kur ve di sala 1995'an de bi navê "Vişnenin Çurugu" li tirkî hat wergerandin û weşandin. Heta niha sansur li ser tune bû.

***

Nûçeya Eleqedar:

- Jeanette Winterson “Sexing the Cherry”