Diyarname
Newroz li seranserê dinyayê tê pîrozkirin. Bernameya pîrozbahiya hin welatên li Ewropayê bi vî rengî ye:

Bruksel

RESEPSIYONA NEWROZRÊ  

Înî, 21 Adar 2008, ji saet 17 heta 19
  

Enstituya Kurdî ya Brukselê di 21'ê Adarê saet 17.00-19.00'an de Resepsiyoneke ji bo Newrozê dide. Enstîtuyê di vexwendina xwe de wiha gotiye:
Newroz, sembola serhildanê dijî bindestiyê, ji bo mafên neteweyiya Kurdî,
cejna gelemperî ya destpêka jiyaneke xweş, mizgîniya bihara rengîn li Rojhilata Navîn e.
 Em we vexwendî resepsiyona Newrozê dikin ku bi hev re daxuyaniya jiyaneke aştiyane û azad belav bikin.
 Bi hatina we em serfiraz dibin. Eger hûn nikarin werin jî em Newroza we bi dil û can pîroz dikin!

tel.: +32 (0)2 230 89 30 yan kib@skynet.be

+++

Swîsre

Saziyên Partiyên Kurdî li Swîsreyê bi beşdariya hunermend Miço Kendeş û gurzek ji hunermendên din dê 21'ê Adarê, saet 14.00'an de li Zurihê şahiyeke Newrozê li dar bixin.

+++

Komkar jî di 22'yê Adarê de bi beşdariya Şivan Perwer, Nilufer Akbal, Mikail Aslan, Baxan, Yilmazê Seydo, Dengê Ciwanên Azad, Komciwanên Folklorê şahiyeke li dar dixe.

****

Li Amerîkayê

Yekîtîya Mafê mirovan û kurdên ku ji çar perçeyan hatine li Amerîkayê cejna Newrozê Pîroz dikin.
Pîrozbahiyên Newroza yên li Amerîkayê dê li  New York, San Fransisco û li California di 22'yê mehê saet 19'an de li dar bikeve.